Qazaqstannyń ekinshi, álemniń 41-raketkasy Iýlıa Pýtınseva Strasbýrg (Fransıa) WTA 500 týrnıriniń irikteý saıysyn jeńispen bastady, dep habarlaıdy
İrikteý synynyń 2-raketkasy bolyp tirkelgen qazaqstandyq tenısshi alǵashqy qarsylasy, dúnıejúzilik reıtıńide 269-orynda turǵan úndistandyq Ankıta Raınany aıqyn basymdylyqpen jeńdi.
Nebári bir saǵatqa sozylǵan kezdesýde 6:1, 6:0 esebi tirkeldi. Iýlıa 8 breık-poınttyń altaýyn paıdalandy.
Pýtınseva irikteý saıystarynyń fınalynda álemniń 66-raketkasy, amerıkalyq Eshlın Krúger nemese reıtıńide 257-satyda turǵan reseılik Vera Zvonarevanyń qaı jeńgenimen kezdesedi. Fınalda jeńse, negizgi týrnırge ótedi.
Eske sala keteıik, budan buryn Denıs Evseevtiń Portýgalıadaǵy jarystyń fınalynan tys qalǵanyn jazǵan bolatynbyz.