Iranda halyqtyń 46,8 mıllıonnan astamy koronavırýsqa qarsy vaksınanyń birinshi dozasyn qabyldady
Bul týraly Qazaqstanda COVID-19 taralýyna jol bermeý jónindegi vedomstvoaralyq komısıanyń Telegram-kanalynda málim etildi, dep habarlaıdy Almaty-akshamy.kz QazAqparat saıtyna silteme jasap.
Irannyń Densaýlyq saqtaý mınıstrliginiń málimetinshe, sońǵy 24 saǵat ishinde COVID-12 juqtyrýdyń 12 298 jańa jaǵdaıy anyqtaldy, 1 699 adam aýrýhanaǵa jatqyzyldy. Koronavırýs ınfeksıasy pandemıasynan qaıtys bolǵandar sany 123 275-ke jetti. Ótken táýlikte 194 naýqas qaıtys boldy.
Sheneýnikter COVID-19 juqtyrǵan 5 026 pasıent ıntensıvti terapıa bólimshelerinde aýyr halde jatqanyn aıtady. Qazirgi ýaqytta 46 809 100 ırandyq koronavırýsqa qarsy vaksınanyń birinshi dozasyn alǵan.
AQSH-ta turǵyndardyń 77% koronavırýsqa qarsy vaksınanyń birinshi komponentin alǵan. Kóptegen kompanıalar vaksınasıa mandatyn qabyldaǵannan keıin COVID-19-ǵa qarsy vaksınasıa deńgeıi 20% astamǵa ósti. Sonymen birge, indetti jańadan juqtyrý faktileri men ólim-jitim azaıdy, dep habarlady Aqúıdiń pandemıaǵa qarsy úılestirýshisi Djeff Zaıens.
Ekpe mandattaryn jeke kásiporyndar, densaýlyq saqtaý júıeleri, áleýmettik mekemeler, memlekettik organdar jáne jergilikti ózin-ózi basqarý organdary engizdi.