Vaksına saldyrǵan qart adam qaı jasta da adam óz densaýlyǵyna mán berýi kerek dep sanaıdy
Qyzylorda oblysy Qazaly aýdany, Bekarystan bı aýylynyń turatyn 98 jastaǵy Qabaq Smaǵul koronavırýsqa qarsy ekpe saldyrdy, dep habarlaıdy Almaty-akshamy.kz
Maıdanger densaýlyq zor baılyq ekenin alǵa tartty. Sondyqtan qazir álemdi jaılaǵan qaýipti derttiń betin qaıtarý úshin eldi ekpe qabyldaýǵa shaqyrdy.
«Qazir álem halqy pandemıanyń aýyr zardabyn tartyp keledi. Odan qutylýdyń basty joly - vaksınalaý. Men ǵasyrlyq jasqa qadam bastym. Dese de, qaı jasta da adam óziniń densaýlyǵyna mańyz berýi tıis. Sondyqtan koronavırýsqa qarsy vaksına qabyldaýdy jón sanadym», - dedi qart maıdanger.
1923 jyldyń 1 shildesinde dúnıege kelgen Qabaq aqsaqal 1942 jyly soǵysqa attanǵan. Týla qalasyn azat etýge qatysqan. 1943 jyly aýyr jaralanyp elge oralǵan. Beıbit ómirde bilek sybana eńbek etti.
Maıdanger aǵartý úıiniń meńgerýshisi, aýyldyq keńestiń hatshysy laýazymyn atqardy. Esepshilik salasynda týra 40 jyl jumys jasady. Jubaıy Kúljan ekeýi on bala ósirip, el qataryna qosty. Balalarynyń barshasy joǵary bilim aldy. Bul kúnderi nemere-shóbere, shópshek súıip otyr. Eldiń damýy úshin qyzmet jasaǵan maıdanger kóptegen orden, medaldardyń ıegeri.
Oblysta vaksınanyń birinshi komponentimen egilgender sany 329492 adamdy quraıdy. Al vaksınamen tolyqtaı qamtylǵandar sany 271 173 adamǵa jetti.
Eske salsaq, Qyzylordada ekpe qabyldaýǵa qabiletti azamattardyń 72 paıyzy vaksına saldyrdy.