Indonezıanyń Býrý aralynda qoltyraýyn 8 jasar qyzǵa shabýyl jasap, ony jep qoıǵan, dep habarlaıdy almaty-akshamy.kz Habar 24. saıtyna silteme jasap.
Jantúrshigerlik oqıǵa balanyń dostarynyń kóz aldynda bolǵan. Alaıda mańaıynda eresek adamdar bolmaǵandyqtan, olar kómektese almaǵan. Balanyń dene bólshekteri 15 qazan kúni tabyldy.
Bul týraly 17 qazanda Newsweek basylymy habarlady. Berilgen aqparat boıynsha, balalar Telýk Kaıelı aýdanyndaǵy ózende shomylǵan. Qoltyraýyndy kórgen dostary ózennen qashyp shyǵady da, Sýchı Ramadhanı jorǵalaýshydan qutyla almaıdy. Oqıǵa ornyna jetken jergilikti turǵyndar balanyń basyn shaınap jatqan jyrtqyshty naızamen óltiredi.
Balalar shomylǵan ózende qoltyraýyn kóp mekendeıdi. Sońǵy 10 jylda jyrtqyshtar adamdarǵa 2 márte shabýyl jasaǵan. Buǵan deıin Indonezıanyń Ońtústik Sýmatra provınsıasynda qoltyraýyn balyqshyǵa shabýyl jasap, denesin ekige bólip tastaǵan edi.