Qazgıdromet 22 jeltoqsanda aua raıyna baılanysty bírqatar óńírde eskertu jarıyalady.
Sınoptıkterdíń boljamy boıynsha, aldaǵy dúısenbíde eldíń basym bólígínde kún raıy būzylady, - dep habarlaıdy Aqshamnews.kz.
Almaty jáne Almaty oblysynyń ońtústígí men tauly aımaqtarynda kóktaıǵaq, tūman bolady. Qonaev pen Almaty qalalarynda da túnde kóktaıǵaq bolyp, tūman túsedí.
Soltústík Qazaqstanda qys qaharyna mínedí. Petropavlda jáne oblystyń soltústígí men shyǵysynda qar jauyp, boran soǵady. Jeldíń ekpíní sekundyna 23-28 metrge deıín jetedí.
Kókshetauda jáne Aqmola oblysynyń basym bólígínde qar jauyp, boran bolady. Jeldíń ekpíní 25 m/s deıín kúsheıedí.
Shyǵys Qazaqstan jáne Abaı oblysynda, Semeı men Óskemende jayau boran soǵyp, tūman túsedí. Óńírlerde qar jauuy yqtımal, jeldíń ekpíní 23 m/s deıín jetedí.
Batys Qazaqstanda jáne Oralda qar aralas jańbyr jauyp, jayau boran men kóktaıǵaq bolady. Tūman túsuí de múmkín.
Ońtústík óńírlerde, Qyzylorda, Taraz jáne Jambyl oblystarynda tūman men kóktaıǵaq bolady. Tauly aımaqtarda boran soǵady.
Ortalyq jáne basqa aımaqtarda, Qaraǵandy, Ūlytau, Pavlodar, Qostanaı jáne Mańǵystau oblystarynda tūman men kóktaıǵaq bolady. Aqtauda kúndíz kóktaıǵaq bolyp, jel kúsheıedí. Jetísu oblysynda tauly aımaqtarda qar jauyp, Alakól mańynda qatty jel soǵady.
Astanada 22 jeltoqsanda ońtústík-batystan soqqan jeldíń ekpíní 15-20 m/s bolady.
Túrkístan oblysynyń ońtústígínde, batysynda, tauly audandarynda kóktaıǵaq, tūman bolady dep boljanady. Shymkentte 22 jeltoqsanda túnde jáne tańerteń kóktaıǵaq, tūman bolady. Túrkístanda 22 jeltoqsanda tūman túsu yqtımaldylyǵy joǵary.
Sınoptıkter jolǵa shyǵarda abaı bolu keregín eskerttí.