Almaty qalasynda jańa jyl merekesí qarsańynda qylqanjapyraqty aǵashtardy qorǵauǵa baǵyttalǵan respublıkalyq jedel-profılaktıkalyq "Shyrsha"ís-sharasy bastaldy.
Atalǵan shara 15–31 jeltoqsan aralyǵynda ótkízílíp, jas kóshetterdí zańsyz kesu, daıyndau, tasymaldau jáne satudyń aldyn aluǵa baǵyttalǵan. Merekelík kezeńde qylqanjapyraqty aǵashtardy qorǵauǵa erekshe mán beríledí.
Osy maqsatta polıtsıya qyzmetkerlerí men uákílettí organdardyń qatysuymen bírlesken reıdtík toptar qūrylyp, aǵash ósetín aumaqtarda, sauda oryndarynda jáne avtojoldarda tūraqty patruldeu jūmystary júrgízílude. Zańsyz daıyndau nemese satu derekterí anyqtalǵan árbír jaǵdaıda tıístí tekseru júrgízílíp, aǵashtardyń shyǵu tegí jan-jaqty anyqtalady.
- Merekeler qarsańynda qylqanjapyraqty aǵashtardy qorǵau - basty nazardaǵy míndetterdíń bírí. Jasyl jelektí saqtau baǵytyndaǵy jūmystar júıelí túrde atqarylyp keledí. Osy rette qala tūrǵyndary men qonaqtaryn tabıǵatty qorǵauǵa belsendí atsalysuǵa shaqyramyz, - dep atap óttí Almaty qalasy polıtsıya departamentí qoǵamdyq qauípsízdík basqarmasynyń bastyǵy Ashat Qūlbaev.
Almaty qalasy polıtsıya departamentí qylqanjapyraqty aǵashtardy qorǵau jáne saqtau jūmystary tūraqty túrde júrgízíletínín eske salyp, qala tūrǵyndary men qonaqtaryn aǵashtardy zańsyz kesu, búldíru nemese joyu faktílerí turaly "102" nómírí arqyly polıtsıyaǵa habarlauǵa shaqyrady.
