QR ÍÍM Kóshí-qon qyzmetí komıtetínde 2025 jyldyń qorytyndylary shyǵaryldy, - dep habarlaıdy Aqshamnews.kz.
2026 jylǵy 1 qańtardan bastap Qazaqstanda jeke kuálíktí alǵash ret rásímdeu, sondaı-aq onyń qoldanylu merzímí ayaqtalǵannan keıín auystyru tegín bolady. Būl turaly ÍÍM habarlady.
Bastama qūjattardy aludy jeńíldetuge jáne azamattardyń qarjylyq júktemesín azaıtuǵa baǵyttalǵan. Memlekettík baj alǵashqy ret jeke kuálík alu kezínde de, josparly auystyru kezínde de alynbaıdy.
QR ÍÍM Kóshí-qon qyzmetí komıtetíníń tóraǵasy Aslan Atalyqovtyń aıtuynsha, jyl basynan berí elde 1,9 mln jeke kuálík, 1,1 mln pasport jáne 303 myń balalar pasporty berílgen.
Bıyl qūjat alǵan eń jasy úlken azamat - 1915 jyly tuǵan Qostanaı qalasynyń tūrǵyny. 2024 jyldan bastap balalarǵa arnalǵan pasporttar 24 betten, al eresekterge arnalǵan pasporttar 36 jáne 48 betten shyǵarylady.
Sondaı-aq komıtette avıatsıyalyq qauípsízdík boıynsha keshendí audıt qorytyndysyna sáıkes, qazaqstandyq pasporttyń IKAO standarttaryna sáıkestík deńgeıí 95,7% bolǵany atap ótíldí. Būl álemdík ortasha kórsetkíshten (72%) jáne Europadaǵy ortasha deńgeıden (87,9%) joǵary.