Almaty qalasy polısıa departamentiniń qyzmetkerleri jedel-izdestirý is-sharalary barysynda psıhotroptyq zattardy zańsyz saqtaý deregin anyqtady.
Tekserý kezinde oralǵan kúıdegi kúmándi zattar tabylyp, tárkilendi, - dep habarlaıdy Aqshamnews.kz.
Saraptama qorytyndysyna sáıkes, anyqtalǵan zattardyń sıntetıkalyq esirtki túrine jatatyny belgili boldy. Atalǵan fakti boıynsha qoldanystaǵy zańnama talaptaryna sáıkes sotqa deıingi tergep-tekserý bastaldy. Kúdikti ýaqytsha ustaý ızolátoryna qamaldy. Qazirgi ýaqytta barlyq qajetti tergeý amaldary júrgizilýde. Almaty qalasy polısıa departamentiniń esirtki qylmysyna qarsy is-qımyl basqarmasynyń bastyǵy Murat Jumabaevtyń aıtýynsha, esirtki qylmystaryn anyqtaý jáne olardyń jolyn kesý baǵytyndaǵy jumystar júıeli túrde jalǵasýda.
– Esirtkiniń zańsyz aınalymyna qarsy kúres polısıa qyzmetiniń basym baǵyttarynyń biri bolyp qala beredi. Ásirese azamattardyń ómiri men densaýlyǵyna eleýli qaýip tóndiretin sıntetıkalyq zattardy anyqtaý jáne tárkileýge erekshe nazar aýdarylady, – dep atap ótti basqarma bastyǵy.
Jyl basynan beri Almaty qalasy polısıasynyń qyzmetkerleri zańsyz aınalymnan jalpy salmaǵy 536 keliden astam esirtki zatyn tárkilegen. Onyń ishinde 55 kelisi sıntetıkalyq esirtkilerdi quraıdy.