Mańǵystau oblysy boıynsha tehnıkalyq retteu jáne metrologıya departamentíníń ınspektorlary baqylau maqsatynda satyp alu barysynda belgílengen qauípsízdík talaptaryna sáıkes kelmeıtín dızel otynyn satu faktísín anyqtady, - dep habarlaıdy Aqshamnews.kz.
Zerthana synaqtary nátıjelerí boıynsha DT-L-K4 markaly dızel otyny Keden odaǵynyń «Avtomobıl jáne avıatsıyalyq benzınge, dızel jáne keme otynyna, reaktıvtí qozǵaltqyshtarǵa arnalǵan otynǵa jáne mazutqa qoıylatyn talaptar turaly» TR TS 013/2011 tehnıkalyq reglamentíníń talaptaryna sáıkes kelmeıtíní anyqtaldy. Atap aıtqanda, tekserílgen ónímdegí kúkírttíń massalyq úlesí 115 mg/kg-dy qūrady, al rūqsat etílgen norma 50 mg/kg-dan aspauy tıís, būl belgílengen kórsetkíshten 65 mg/kg-ǵa artyq ekenín kórsetedí.
Anyqtalǵan zańbūzushylyqtarǵa baılanysty uákílettí organ sotqa talap aryz joldady. Mańǵystau oblysynyń mamandandyrylǵan audanaralyq ekonomıkalyq sotynyń 2025 jylǵy 19 qarashadaǵy sheshímímen talap aryz tolyq kólemde qanaǵattandyryldy. Sot kásípkerlík subektísín tehnıkalyq reglament talaptaryna sáıkes kelmeıtín DT-L-K4 markaly dızel otynynyń tárkílengen ónímín ıelenu, paıdalanu jáne (nemese) oǵan bılík etu qūqyǵynan aıyru turaly sheshím qabyldady.
Sot aktísíne sáıkes, kórsetílgen óním uákílettí organnyń talaptaryn jáne qoldanystaǵy zańnamany saqtaı otyryp, ıesíníń óz qarajaty esebínen joyuǵa, kádege jaratuǵa nemese qaıta óńdeuge, ne Qazaqstan Respublıkasynyń aumaǵynan tys jerge shyǵaruǵa jatady.
Baqylau maqsatynda satyp aludy júrgízu tūtynushylardyń qūqyqtaryn qorǵauǵa, azamattardyń qauípsízdígín qamtamasyz etuge jáne mūnaı ónímderí naryǵynda tehnıkalyq retteudíń míndettí talaptarynyń saqtaluyn qamtamasyz etuge baǵyttalǵan.