BŪŪ Damu baǵdarlamasynyń su resurstaryn basqaru jóníndegí halyqaralyq keńesshísí Hyubert Lor Qazaqstannyń su salasyn tsıfrlandyru baǵytyndaǵy jūmysyn joǵary baǵalady, - dep habarlaıdy Aqshamnews.kz sala mınıstrlígíne sílteme jasap.
Sarapshy, ásírese, elímízde su resurstaryn basqarudy jańǵyrtu qarqynyn atap óttí.
«Mūnda kóríp otyrǵan úderísterdí Germanıyamen jáne jalpy Europamen tíkeleı salystyratyn bolsaq, Europada mūndaı jūmystar ekí ese kóp uaqyt alady. Bírínshíden, būl – zańnamalyq rásímderge baılanysty. Degenmen, ádette, barlyq qatysushy arasyndaǵy úılestíru jáne kelísím protsesí áldeqaıda ūzaqqa sozylady. Qazaqstannyń su resurstaryn basqaruǵa tsıfrlyq tehnologıyalardy engízuge qanshalyqty yntaly ekení mení tańǵaldyrdy árí erekshe áser qaldyrdy. Būl úshín qolaıly orta qalyptasqan. Su resurstary jáne ırrıgatsıya mınıstrlígí, mınıstr, vıtse-mınıstrler men departamentter bír baǵytta jūmys ístep, ortaq maqsattardy kózdep otyr», – dedí BŪŪ Damu baǵdarlamasynyń su resurstaryn basqaru jóníndegí halyqaralyq keńesshísí.
Qazírgí tańda Qazaqstanda Su resurstarynyń ūlttyq aqparattyq júıesí ázírleníp jatyr. Sonymen qatar suarmaly sudy jetkízu boıynsha elektrondy kelísímsharttar jasau júıesí pılottyq rejımde synaqtan ótkízílíp, ózen aǵysyn modeldeu jáne boljau júıeleríníń qamtu ayasy keńeıtílíp jatyr.