Almatyda «Halyqqa qatysatyn búdjettiń» úzdik bastamasy boıynsha daýys berýdiń qorytyndysy shyqty
«Halyq qatysatyn búdjet» aıasynda 125 myńǵa jýyq daýysty (124 854) turǵyndar úıleriniń, kósheleri men aýdandarynyń aýmaǵyn abattandyrý jáne damytý úshin bergen, dep habarlaıdy almaty-akshamy.kz
Medeý (38 617), Jetisý (19 235) jáne Áýezov (17 515) aýdandarynyń turǵyndary belsendilik tanytty, barlyq daýystyń 60%-y solarǵa tıesili. Daýys berý barysynda qala turǵyndary mynadaı bastamalardy anyqtady:
- Alataý aýdanynda eń kóp daýys «Mádenıet» TÚK-niń aýla aýmaǵyn abattandyrý jáne avtomatty sýarý júıesin ornatý jobasy; Sháripov kóshesi, 15 mekenjaıyndaǵy balalar alańyn jóndeýge jáne t.b. berilgen;
- Almaly aýdanynda - Qazybek bı kóshesi, 124 úı mańyndaǵy aýla jáne úı mańyndaǵy aýmaqty kógaldandyrý; Úlken Almaty ózeni boıyndaǵy «Panorama» TÚK mańyndaǵy jaǵalaýdy abattandyrý jáne t.b.;
- Áýezov aýdanynda – Qabdolov kóshesi, 28 mekenjaıyndaǵy bos oryndy abattandyrý; 2, 42 jáne t.b shaǵyn aýdanda fýtbol alańyn jáne balalar alańyn jańartý;
- Bostandyq aýdanynda – Gagarın býlvaryn jóndeý (Abaı dańǵylynan Jandosov kóshesine deıin); Pervomaıskaıa kóshesin abattandyrý jáne t.b.;
- Jetisý aýdanynda – Rysqulov dańǵyly/Brodskıı kóshesindegi zırat qorshaýlaryn jóndeý; Aınabulaq 119,120,121,123 jáne t.b. sh/a aýla aýmaǵyn abattandyrý;
- Medeý aýdanynda – Jambyl kóshesindegi (Qonaev kóshesinen Nazarbaev kóshesine deıin) kógaldardy avtomatty sýarý; Esentaı ózeniniń jaǵalaýyn jóndeý jáne t.b.;
- Naýryzbaı aýdanynda – «Shuǵyla Sıtı» 6-10 TÚK sport jáne balalar alańdaryn ornatý; Taýjoly jáne t. b sh/a trotýarlardy, pandýstardy, aryqtardy salý jáne jóndeý.
- Túrksib aýdanynda – Moldaǵalıev kóshesi, 28/1 tereńdetilgen konteınerlik alań salý; Qapshaǵaı kópirindegi sýarý júıesin jóndeý (Bekmahanovqa burylys) jáne t.b.
2024 jyly júzege asyrýǵa ruqsat etilgen jobalardyń tolyq tizbesin budget.open-almaty.kz portalyndaǵy «Jobalar boıynsha materıaldar» bóliminen kórýge bolady.