Kıpr prezıdenti antıvakserlerge qatysty qatań sharalar qabyldaıtynyn málimdedi
Qazaqstanda koronavırýstyń taralýyna qarsy vedomstvoaralyq komısıa álemdegi epıdemıologıalyq ahýalǵa sholý jasady, dep habarlaıdy Almaty-akshamy.kz.
Fransıa bıligi koronavırýstyń besinshi tolqyny «qarqyndy» bastalǵanyn málimdedi.
Mınıstrler kabınetiniń tóraǵasy Gabrıel Attaldyń aıtýynsha, bir apta ishinde koronavırýs ınfeksıasyn juqtyrýdyń jańa jaǵdaılary 80% ósti.
Kún saıyn ortasha eseppen 17 myń Covid-19 jańa jaǵdaı tirkeledi.
Infeksıa juqtyrýdyń aptanyń basynda 100 myń adamǵa 100 jaǵdaı týra kelse, qazirgi ýaqytta 100 myń turǵynǵa shaqqanda 164 jaǵdaı tirkeldi.
Italıanyń farmasevtıkalyq retteýshi mekemesiniń basshysy el halqynyń vaksınanyń úshinshi dozasyn qabyldaýyn jaqtady.
Nıkola Magrını habarlaǵandaı, bılik vaksınanyń tolyq sıklin alǵan merzim men údetkish dozasyn qabyldaý ýaqytyn bes aıǵa deıin qysqartýdy qarastyrýda.
Qazirgi ýaqytta vaksınanyń úshinshi dozasyn densaýlyǵy nashar adamdar jáne 60 jastan asqan turǵyndar ala alady.
Kıpr prezıdenti antıvakserlerge qatysty qatań sharalar qabyldaıtynyn málimdedi.
Nıkos Anastasıadıs turǵyndardyń ımmýndaý kýrsyn aıaqtaý úshin nemese vaksınanyń birinshi komponentin qabyldaý úshin eki-úsh aptalyq kezeń beriletinin atap ótti.
Óz sózinde prezıdent «Bul múmkindikten keıin, árıne, sharalar kúsheıtiledi»- dep habarlady.