Sáýir aıynda Fransıada prezıdent saılaýy ótedi.
Fransıa prezıdenti Emmanýel Makron memleket azamattarynan respýblıka Prezıdenti retindegi jańa mandatqa senim artýdy surady, dep habarlaıdy Almaty-akshamy.kz Interfax.ru silteme jasap.
«Men sizdermen birge ǵasyrdyń syn-qaterlerine fransýzdyq jáne eýropalyq naqty jaýap tabýǵa tyrysatyn úmitkermin. Men álemdegi silkinisterden qaýip tóngen qundylyqtarymyzdy qorǵaýǵa úmitkermin. Balalarymyz ben nemerelerimizdiń bolashaǵyn daıyndaýǵa úmitkermin», - delingen Makronnyń beısenbi kúni keshke fransýz BAQtarynda jarıalaǵan halyqqa arnalǵan joldaýynda.
Onyń pikirinshe, ult «keremet jyldamdyqpen kúızelisterdi» bastan keshirip otyr. Onyń aıtýynsha, demokratıaǵa qaýip tónip tur, teńsizdik artyp keledi, klımat ózgerip jatyr.
«Sondyqtan men sizden respýblıka Prezıdenti retindegi jańa mandatqa senim bildirýińizdi suraımyn», - dep túsindirdi Makron.
Ol aldaǵy sáýir aıynda ótetin prezıdenttik saılaýǵa qatysty josparlary týraly uzaq ýaqyttan beri aıtpaı kelgen.
Fransýz BAQ-tarynda jarıalanǵan sońǵy boljamdar boıynsha, prezıdenttik saılaý naýqanyna qatysýshylar arasynda Makron eń joǵary reıtıńke ıe. Ekinshi orynda «Ulttyq qaýymdastyqtyń» kandıdaty Marın Le Pen tur. Degenmen saýalnamalar Makron saılaýdyń ekinshi týrynda jeńiske jetedi dep boljap otyr.