Ol Qazaqstan Prezıdenti janyndaǵy Ortalyq komýnıkasıalar qyzmetiniń dırektory boldy.
Memleket basshysynyń ókimimen Erjan Jalbaquly Babaqumarov Qazaqstan Respýblıkasynyń Prezıdenti janyndaǵy «Ortalyq komýnıkasıalar qyzmeti» respýblıkalyq memlekettik mekemesiniń dırektory bolyp taǵaıyndaldy, dep habarlaıdy Almaty-akshamy.kz Aqordaǵa silteme jasap.
Babaqumarov Erjan Jalbaquly 1969 jyly 2 naýryzda dúnıege kelgen. 1991 jyly ál-Farabı atyndaǵy Qazaq ulttyq ýnıversıtetin bitirgen. Saıası tarıh pániniń oqytýshysy. Saıasattaný ǵylymdarynyń kandıdaty. QR Saıası ǵylymdar akademıasynyń akademıgi.
Eńbek jolyn 1995 jyly Qazaqstan damý ınstıtýtynyń ishki saıasat bóliminiń meńgerýshisi, áleýmettik-saıası zertteýler ortalyǵynyń dırektory laýazymynan bastaǵan.
1996 jyly Almaty qalasy ákimi apparatynyń ishki saıasat bóliminiń bas mamany bolyp jumys istedi.
1996-2006 jyldar aralyǵynda QR Prezıdenti Ákimshiliginiń aǵa referenti, keńesshi, sektor meńgerýshisi, ishki saıasat bólimi meńgerýshisiniń orynbasary, Áleýmettik-saıası bóliminiń bas ınspektory, ishki saıasat basqarmasynyń aqparattyq-taldaý ortalyǵynyń meńgerýshisi, aqparattyq-taldaý ortalyǵynyń meńgerýshisi qyzmetterin atqardy.
2006-2008 jyldary QR Mádenıet, aqparat jáne sport vıse-mınıstriniń mindetin atqarýshy, QR Mádenıet jáne aqparat vıse-mınıstri, jaýapty hatshysy boldy
2008-2012 jyldary - QR Premer-Mınıstri Keńsesi basshysynyń orynbasary.
2012-2016 jyldary - QR Prezıdenti janyndaǵy «Ortalyq komýnıkasıalar qyzmeti» RMK dırektory.
2016-2018 jyldary - QR Premer-Mınıstri Keńsesi basshysynyń orynbasary.
2018-2019 jyldary - QR Prezıdenti Ákimshiliginiń Taldaý jáne boljaý ortalyǵynyń meńgerýshisi.
2019 jylǵy sáýir-shilde aralyǵynda QR Prezıdentiniń keńesshisi boldy.
2019 jyldyń shilde aıynan osy ýaqytqa deıin - Almaty qalasy ákiminiń orynbasary.
«Qurmet» (2005) jáne «Parasat» (2017) ordenderimen marapattalǵan.