Áleýmettik jelide astana kósheleriniń birinde qoıdyń qashyp júrgeni túsip qalǵan vıdeo tarap jatyr, dep habarlaıdy Almaty-akshamy.kz Inform.kz-ke silteme jasap.
Birneshe sekýndtyq vıdeodan baıqalǵandaı qoı kóshe ortasynda kólikterdiń arasynda qashyp júr. Kóriniske qaraǵanda vıdeo elordadaǵy Esil ózeniniń sol jaǵalaýynda, Qabanbaı batyr kóshesi boıynda túsirilgen.
Aıta keteıik, búginnen bastap musylman qaýym Qurban aıtty merekelep jatyr. Meıram 11 shildege deıin jalǵasady. Atalǵan merekege tán mindettiń biri – Qurban shalý jáne qurbandyqqa shalatyn malǵa, ony soıýǵa qatysty qoıylatyn talaptar. Qazaqstandyqtardyń Qurban2022.kz saıty arqyly ótinim bere otyryp, onlaın rejımde de qurbandyq shalýǵa múmkindigi bar.
Eske sala ketsek, elimizdiń sanıtarıalyq-epıdemıologıalyq baqylaý komıteti saqtyq sharasy maqsatynda qurbandyqqa veterınarlyq anyqtamasy bar maldy ǵana soıýdy usyndy.