Bul týraly eńbek jáne halyqty áleýmettik qorǵaý mınıstri Tamara Dúısenova aıtty.
Mınıstrdiń málimdeýinshe, áleýmettik qyzmet kórsetý júıesin transformasıalaý aıasynda áleýmettik qyzmetkerler ınstıtýty kúsheıtiledi, dep habarlaıdy Almaty-akshamy.kz
«Áleýmettik jumysqa biliktilikti táýelsiz baǵalaýdan ótken sertıfıkattalǵan mamandar ǵana jiberiledi. Múgedektigi bar azamattarǵa qyzmet kórsetetin mamandardy tańdaý úshin áleýmettik qyzmetkerlerdiń tizimi jasalady. Onda olardyń biliktiligi, kórsetiletin qyzmetterdiń túrleri men sapasy, jumys nátıjeleri týraly aqparat qamtylady», - dedi Dúısenova.
Ol áleýmettik qyzmetkerler úshin qyzmetterdiń biliktilik deńgeıin, sanaty men ereksheligin eskeretin eńbekaqy tóleýdiń jańa júıesi engiziletinin atap ótti.
Budan bólek, jergilikti atqarýshy organdar janynan qurylǵan Áleýmettik qyzmetter portaly boıynsha komısıalarǵa jańa ókilettikter berý kózdelip otyr. Olar:
sapasyz taýar nemese qyzmet týraly múgedektigi bar adamdardyń ótinishin 5 kún ishinde qabyldaý jáne qaraý;
merzimin kórsete otyryp, usynylǵan taýardy nemese kórsetilgen qyzmetti túzetý týraly hatty jetkizýshige jiberý jáne olardyń oryndalýyn baqylaý;
jetkizýshini Áleýmettik qyzmetter portalynan alyp tastaý jáne jaýapsyz jetkizýshiler tizimine engizý.