Byltyr 48 007 mlrd teńgege ónerkásip ónimi óndirildi.
Onyń ishinde taý-ken óndirý ónerkásibi salasyna 24 644 mlrd teńge, óńdeý ónerkásibine 20 697 mlrd teńge tıesili, dep habarlaıdy Almaty-akshamy.kz Ulttyq statısıka búrosyna silteme jasap.
Taý-ken óndirý ónerkásibi men karerlerdi qazýda ónerkásip óndirisiniń ındeksi 99%-dy qurady. Oǵan shıki munaı (98,1%), tabıǵı gaz (99%) ben temir keni (79,4%) salalarynda óndirý kórsetkishiniń azaıýy sebep.
«Óńdeý ónerkásibinde óndiris 3,4%-ǵa artty. Sýsyndar (111,2%), temeki ónimderi (107,9%), munaı óńdeý ónimderi (101,8%), hımıa ónerkásibiniń ónimderi (110,2%), rezeńke jáne plasmassa buıymdary (102,1%), negizgi asyl jáne tústi metaldar (105,5%), avtokólik quraldarynyń (119,1%) óndirisi ulǵaıdy», - delingen Ulttyq statısıka búrosy taratqan aqparatta.
Respýblıkanyń 13 óńirinde óndiris kóleminiń artýy tirkeldi. Aıtarlyqtaı ósim Aqmola, Jambyl, Abaı oblystarynda jáne Almaty qalasynda baıqaldy. Al, Túrkistan, Qostanaı, Atyraý, Qyzylorda, Batys Qazaqstan jáne Pavlodar oblystarynda óndiris kólemi tómendedi.