Qazaqstanda jer paıdalanýshylardyń nemquraılyǵynan 90 mln gektar aýmaq erozıaǵa ushyraǵan.
Bul týraly QR Aýyl sharýashylyǵy mınıstri Erbol Qarashókeev aıtty, dep habarlaıdy Almaty-akshamy.kz QazAqparatqa silteme jasap.
«Jergilikti halyqty jaıylymmen qamtamasyz etý máselesin sheshý úshin keshendi sharalar qabyldaý qajet. Qazirgi ýaqytta jer ýchaskeleriniń menshik ıeleri men jer paıdalanýshylardyń jerge nemquraılyǵynan erozıaǵa ushyraǵan jáne erozıalyq-qaýipti jerler 90 mln gektardan asady, onyń 29,3 mln gektary is júzinde erozıaǵa ushyraǵan jáne odan ári paıdalanýǵa jaramsyz», - dedi E. Qarashókeev Úkimettiń búgingi otyrysynda.
Osyǵan baılanysty, jergilikti atqarýshy jáne ýákiletti organdarmen birlesip, jerdiń odan ári tozýyn boldyrmaý, ásirese, eldi mekender mańyndaǵy jem-shóp alqaptaryn jaqsartý sharalary júrgizilýde.
«Prezıdent tapsyrmasyn oryndaý maqsatynda 2022 jyldan bastap 205,4 mıllıon gektar aýyl sharýashylyǵy jeri sıfrlandyryldy, bul respýblıkanyń 272, 5 mıllıon gektar aýmaǵynyń 75 paıyzyn qurady. Sıfrlyq aýyl sharýashylyǵy kartasy kontýrlar, jol jelisi, gıdrografıa, ınfraqurylym obektileri týraly málimettermen tolyǵyp, halyqtyń jaıylymǵa baılanysty problemalyq máselelerin sheshý úshin jerdiń jem-shóp syıymdylyǵy týraly aqparatty qamtıdy. Bul karta 2024 jyldyń sońynda aıaqtalady jáne aýyl sharýashylyǵy jerlerin odan ári qaıta bólýge monıtorıń júrgizýge negiz bolady», - dedi Aýyl sharýashylyǵy mınıstri.
Aıta keteıik, Qazaqstannyń 15 oblysynda mal jaıý úshin 8,9 mln gektar jer jetispeıdi.