Sporttyq-buqaralyq sharalar men spartakıadalar ótkizýge de nazar aýdarylady
QR Premer-Mınıstri Álıhan Smaıylovtyń tóraǵalyǵymen ótken keńeste Dene tárbıesi jáne sportty, sondaı-aq týrızm salasyn damytýdyń 2023-2029 jyldarǵa arnalǵan tujyrymdamalarynyń jobalary qaraldy, dep habarlaıdy Almaty-akshamy.kz.
QR Mádenıet jáne sport mınıstri Asqat Oralov Tujyrymdamada azamattardy, onyń ishinde múgedektigi bar adamdardy dene tárbıesimen jáne sportpen júıeli túrde shuǵyldanýǵa baýlý, joǵary kásibı sporttyq rezervti qalyptastyrý jáne joǵary jetistikter sportyn damytý jónindegi sharalar qarastyrylǵanyn baıandady.
Atap aıtqanda, qalalarda qoljetimdi jerlerden jańa sporttyq ınfraqurylymdyq nysandardy (júgirý jáne velosıped joldary, sporttyq alańdar), óńirlerde buqaralyq sport ortalyqtary men aýyldyq jerlerde modýldik sport ǵımarattaryn salý josparlanyp otyr. Sondaı-aq qatysýǵa nıet bildirýshilerdi keńinen tartyp jáne ótkizilý kestesin medıa keńistikte habarlaı otyryp, sporttyq-buqaralyq sharalar men spartakıadalar ótkizýge de nazar aýdarylatyn bolady.
«Qazir kóptegen qalalarda úılerdiń aýlalarynda balalar men eresekter dene tárbıesimen shuǵyldana alatyn sport alańdary paıda bolyp jatyr. Bul – el ishinde keńinen taralyp jatqan jaqsy tájirıbe. Biz bazalyq sportty bárine birdeı qoljetimdi etý úshin osyndaı ǵımarattar turǵyzýdy jalǵastyra berýimiz kerek», — dedi Álıhan Smaıylov.
Keńeste atletshilerdi daıyndaýdyń zamanaýı ádisterin engizý jáne sporttyq medısınanyń sapasyn jaqsartý josparlanyp otyrǵany da atap kórsetildi. Bul jumys aldaǵy jyldary Parıj-2024 jáne Mılan-2026 Olımpıada oıyndaryna daıyndyq baǵdarlamalary aıasynda júrgiziletin bolady.
Týrızm salasyn damytýǵa qatysty respýblıkanyń negizgi 10 týrdestanısıasynda ınfraqurylymdardy jańǵyrtý, servıs sapasyn arttyrý, halyqaralyq arenada elimizdiń týrısik áleýetin ilgerletý jáne t. b. sharalardy iske asyrý kózdelip otyr,
Atap aıtqanda, Balqash, Qapshaǵaı, Alakól jáne Baıanaýyl kýrorttyq aımaqtaryna aparatyn avtojoldardy salý jáne qaıta qurylymdaý, demalys aımaqtaryn mobıldik baılanyspen 100% qamtý, Shýche-Býrabaı kýrorttyq aımaǵynda qajetti ınjenerlik jeliler júrgizý, sý qoımalarynda qosymsha sýda qutqarý stansıalaryn salý jáne t. b. is-sharalar qarastyrylyp otyr.
Sonymen qatar jańa áýe baǵyttaryn ashý, týrısik qyzmetterdi sıfrlandyrý, qonaq úı bıznesinde jáne salanyń basqa sektorlarynda standarttardy arttyrý jóninde jumys júrgiziledi.
2030 jylǵa deıin barlyq sharalardy iske asyrýdyń nátıjesinde ishki týrıserdiń sanyn 11 mln adamǵa deıin, sheteldik týrıserdi – 4 mln adamǵa deıin, salada jumyspen qamtýdy – 800 myń adamǵa deıin arttyrý, sondaı-aq Dúnıejúzilik ekonomıkalyq forýmnyń reıtıńisine sáıkes týrızmdi damytý boıynsha Qazaqstandy álemniń úzdik 50 eliniń qataryna qosý kózdelip otyr.