Quqyq qorǵaý organdarynyń jumysyna shaǵymdar túsip jatyr
Bul týraly Memleket basshysy Qasym-Jomart Toqaev otandyq bıznes ókilderimen kezdesýi kezinde aıtty, dep habarlaıdy Almaty-akshamy.kz Baq.kz-ke silteme jasap.
«Memleket basshysy retinde men barlyǵyna ádil oıyn erejeleri bar ashyq ekonomıka qurý saıasatyn jalǵastyramyn. Biz jyly oryndar men laýazymdardy qaıta bólýge jol bermeımiz», - dedi Qasym-Jomart Toqaev.
Prezıdent qazir quqyq qorǵaý organdarynyń jumysyna shaǵymdar túsip jatqanynan habardar ekenin aıtty.
«Tártipti qalpyna keltirý barysynda olar eski ádispen jumys istep, bylaısha aıtqanda, laıyqty bıznespen aınalysa alady. Sondyqtan «úlken ister shyǵynsyz múmkin emes» degen qaǵıda bul jerde jumys istemeıtinin ashyq aıtamyn. Eger mundaı faktiler anyqtalsa, árbir jaǵdaı boıynsha arnaıy tekserý sharalary júrgiziledi, tıisti baǵa beriledi», - dep túsindirdi Toqaev.
Memleket basshysy 2019 jylǵy Joldaýynda kásipkerlikke zańsyz kedergi jasaýdy memleket múddesine qarsy qylmys dep sanaý keregin aıtqanyn eske saldy.
«Bul Bas prokýratýranyń jumysy. Alaıaqtarmen kúresý kerek, taǵy da qaıtalap aıtamyn alaıaq, aferıstermen kúresý kerek. Biraq biz emniń aýrýdan jaman bolýyna jol bermeýimiz kerek. Elimizde «krysha», «reıderlik» degender bolmaýy kerek. Eger bıznes adal jumys isteýge daıyn bolsa jáne ol kreatıvti jáne zamanaýı úlgide bolsa, biz ony qoldap, ulttyq ekonomıkanyń jańa modeline enýine kómektesýimiz kerek», - dep túsindirdi Qasym-Jomart Toqaev.