«Baldáýren» lagerinde jas geologtardyń VI Qazaqstandyq ashyq dalalyq olımpıadasynyń ashylý saltanaty ótti, dep habarlaıdy Almaty-akshamy.kz Inform.kz-ke silteme jasap.
Ashylý saltanatyna Ekologıa, geologıa jáne tabıǵı resýrstar mınıstrliginiń vıse-mınıstri T.Momyshev, Geologıa komıteti tóraǵasynyń orynbasarlary, «Ulttyq geologıalyq qyzmet» AQ ýákiletti tulǵasy J. Karıbaev, Aqmola oblysy ákimdiginiń ókilderi, olımpıada demeýshileri – ulttyq kompanıalardyń basshylary qatysty. İs-sharany vıse-mınıstr T.Momyshev quttyqtaý sózimen ashty. Ol óz sózinde osyndaı is-sharalarǵa qatysýdyń geologtardyń jańa urpaǵyn daıyndaý men qalyptastyrýǵa orasan zor yqpal etetinin, oqýshylardyń oı-órisin keńeıtip, elder arasyndaǵy dostyq qarym-qatynasty nyǵaıta túsetinin atap ótti.
Olımpıadaǵa Qazaqstan Respýblıkasynyń astanasy men aımaqtarynan kelgen 7-11 synyp oqýshylary qatysýda. 2010 jyly ótken 1-shi Qazaqstandyq olımpıadaǵa nebári 8 komanda qatysqan bolatyn. Al, bıylǵy VI Olımpıadaǵa qazirdiń ózinde 15-ten astam komandalar qatysýda, olardyń ishinde Tatarstan Respýblıkasy (Reseı Federasıasy), Belarýs jáne Ózbekstan sıaqty elderdiń komandalary bar ekenin aıta ketý kerek. Jas geologtar komandalarynyń sany ǵana kóbeıip qoımaı, sonymen qatar olardyń daıyndyq deńgeıiniń joǵarylaǵany baıqaldy.
Mınıstrlik memleket basshysy jarıalaǵan «Balalar jyly» qarsańynda, jarysqa qatysýshylardyń aldyńǵy oryndarǵa ıe bolǵandaryna Q.I. Sátbaev atyndaǵy Qazaq ulttyq tehnıkalyq ýnıversıtetine oqýǵa úsh grant berýdi josparlap otyr. «Jas geolog» QK Geologıa komıtetiniń qoldaýymen 2012 jyldyń qańtarynda quryldy.
Qordyń negizgi mindeti erte kásibı baǵdar berý jumysyn júrgizý, jas geologtardyń qazaqstandyq dalalyq olımpıadalaryn uıymdastyrý jáne ótkizý, jas geologtar úıirmeleriniń jelisin keńeıtý, daryndy jastardy qoldaý bolyp tabylady. Qazaqstannyń jas geologtary respýblıkalyq olımpıadalarǵa qatysýmen qatar, halyqaralyq olımpıadalarda da el namysyn tabysty qorǵap júr. Qazaqstandyq jas geologtar komandalary Brazılıada (2015), Japonıada (2016), Fransıada (2017), Taılandta (2018) ótken IESO-nyń jeke jáne komandalyq jarystarynda altyn, kúmis jáne qola júldeni jeńip aldy.