Aılyǵy shaılyǵynan aspaıtyn turǵyndarǵa paıyzy tómen ıpotekalyq baspana berý qajet
Elimizde baspanaǵa muqtaj jandardyń sany aldaǵy 7-8 jylda 10 mıllıonǵa jetýi múmkin. Sondyqtan qazirden bastap, kúnkórisi tómen otbasylarǵa arnalǵan arnaıy memlekettik baǵdarlama daıyndaý qajet, dep habarlaıdy Almaty-akshamy.kz.
Bul týraly kásipkerlermen kezdesý barysynda Qazaqstan qurylysshylary odaǵanyń tóraǵasy Talǵat Erǵalıev málimdedi.
Ol bul usynysyn qala bıligimen birlese otyryp, Úkimetke jetkizsek deıdi. Onyń aıtýynsha, aılyǵy shaılyǵynan aspaıtyn turǵyndarǵa paıyzy tómen ıpotekalyq baspana berý qajet. Iaǵnı mundaı baǵdarlama qabyldaý arqyly turǵyn úı kezegindegilerdiń áleýmettik máselesin sheshýge bolatynyn aıtady.
«Arzan ıpoteka nemese paıyzy tómen ıpoteka qajet muqtaj bop júrgen azamattarǵa. Óıtkeni ol azamattar aılyqtan aılyqqa kún kórip júrgender. Olardyń aqsha jınaýǵa múmkindigi joq. Jalǵa bergen aqshalaryn bankke tólesin ol 10 jyl arasynda nesıesin tólep tastaıdy. Ol qarajat úkimetke qaıtyp keledi»,- deıdi Qazaqstan qurylysshylar odaǵynyń tóraǵasy Talǵat Erǵalıev.