Páterdi jalǵa alý tólemi 20,8 paıyzǵa artty.
Strategıalyq josparlaý jáne reformalar agenttiginiń Ulttyq statısıka búrosy shildede turǵyn úı naryǵyndaǵy baǵanyń ózgergeni týraly aıtty, dep habarlaıdy Almaty-akshamy.kz.
«Bir jylda (byltyrǵy jáne bıylǵy shildeni salystyrǵanda) qoldanystaǵy páterlerdi qaıta satý baǵasy - 26,4 paıyzǵa, jańa turǵyn úılerdi satý 19,6 paıyzǵa ósti. Turǵyn úıdi jalǵa alý tólemi byltyrǵymen salystyrǵanda 2022 jylǵy shildede 20,8 paıyzǵa artty», - delingen habarlamada.
Óńirler boıynsha jańa salynǵan turǵyn úıler naryǵyndaǵy baspana jyldyq mánde:
Aqtóbe qalasynda - 32,5 paıyzǵa,
Nur-Sultanda - 27,6 paıyzǵa,
Óskemende 26,1 paıyzǵa qymbattady.
Qoldanystaǵy úılerdi qaıta satý naryǵynda kósh bastap turǵan qalalar:
Qyzylorda (44 paıyz),
Óskemen (43,7 paıyz),
Taldyqorǵan (43,4 paıyz)
Nur-Sultan (41,3 paıyz),
Turǵyn úıdi jalǵa alý naryǵynda - Almaty qalasy (47,2 paıyz).
«Bir aıdyń ishinde (2022 jylǵy shilde men maýsymdy salystyrǵanda) páterlerdi qaıta satý baǵalary 0,8 paıyzǵa, jańa turǵyn úıdi satý 0,5 paıyzǵa ósti. Abattandyrylǵan turǵyn úıdi jalǵa alý tólemi aldyńǵy aımen salystyrǵanda shildede 0,4 paıyzǵa joǵarylady», - delingen habarlamada.