Bul týraly Óńirlik komýnıkasıalar qyzmetiniń brıfıńinde Almaty qalasy Ádilet departamenti basshysynyń orynbasary Jańabaı Aǵmanov málimdedi, dep habarlaıdy Almaty-akshamy.kz.
Spıker Almaty qalasy Ádilet departamentiniń 2022 jyldyń birinshi jartyjyldyǵynda memlekettik sot oryndaýshylary jelisi boıynsha atqarǵan jumystary týraly baıandady.
Esepti kezeńde memlekettik sot oryndaýshylarynyń (MSO) is júrgizýinde jalpy somasy 163 304 689 470 teńgege 2154 atqarýshylyq qujat oryndaldy. Sot aktileriniń jalpy sanynan 1158 nemese 54% aıaqtaldy. Alıment óndirý boıynsha 29 is oryndalyp, 6 is aıaqtaldy.
«Bizdiń departamenttiń qyzmetkerleri boryshkerlerdi ákimshilik jáne qylmystyq jaýapkershilikke tartý boıynsha úlken jumystar júrgizýde. Birinshi jartyjyldyqta 68 boryshker jaýapkershilikke tartyldy. Jalpy, 18-den ákimshilik qamaýǵa alyndy. Alımenttik óndiris boıynsha 36 boryshker tartyldy. Boryshkerlerdi ákimshilik jaýapkershilikke tartý boıynsha qabyldanǵan sharalardan keıin boryshkerlerdiń óz mindettemelerin oryndaýynyń 41%-ǵa ulǵaıýy baıqalady», - dep habarlady Almaty qalasy Ádilet departamenti basshysynyń orynbasary Jańabaı Aǵmanov.
Sonymen qatar, alıment boıynsha 6 boryshker sot aktilerin oryndamaǵany úshin qylmystyq jaýapkershilikke tartyldy. Sottalǵandar uzaq ýaqyt boıy kámeletke tolmaǵan balalardy kútip-baǵýǵa alıment tóleý jónindegi mindetterdi oryndamaǵan. Eki almatylyqqa qatysty úkim shyǵarylyp, tórt is aqtalmaıtyn negizder boıynsha qysqartyldy.
«Boryshkerlerdi ákimshilik jáne qylmystyq jaýapkershilikke tartý sıaqty yqpal etý sharasy tıimdi ekenin kórsetti. Nátıjesinde boryshkerler 85 mln teńgeden astam soma kóleminde bereshekterin tóledi», - dedi spıker.
Almaty qalasynyń Ádilet departamentinde problemalyq alıment boıynsha barlyǵy 1776 is bar. Problemalyq alımentterdiń sanyn azaıtý maqsatynda Ádilet departamenti jeke sot oryndaýshylarynyń óńirlik palatasymen, polıseılermen jáne halyqty jumyspen qamtý ortalyǵymen birlesip, boryshkerlerdi ákimshilik jáne qylmystyq jaýapkershilikke tartý, sondaı-aq boryshkerlerdi jumysqa ornalastyrý boıynsha JSO-nyń memorandýmy men is-qımyl algorıtmine qol qoıdy. 2022 jyldyń basynan bastap 57 boryshker jumysqa ornalasty.