Bala kútimi boıynsha tólemderdi 760 myń ana alady
Qazaqstandyqtarǵa bala kútimi boıynsha memlekettik járdemaqy men áleýmettik tólem túrinde 60 mlrd-tan astam teńge tólendi, dep habarlaıdy Almaty-akshamy.kz.
2023 jyldyń birinshi toqsanynda 436 myńnan astam qazaqstandyq respýblıkalyq búdjetten jáne Memlekettik áleýmettik saqtandyrý qorynan 1,5 jasqa deıingi bala kútimi boıynsha áleýmettik tólem aldy.
Bul maqsatqa 60,6 mlrd teńge baǵyttaldy.
1 sáýirdegi jaǵdaı boıynsha, 1,5 jasqa deıingi bala kútimi boıynsha aı saıyn respýblıkalyq búdjetten járdemaqy alatyn, jumys istemeıtin áıelder sany orta eseppen 92 879 myń boldy, olarǵa 7,9 mlrd teńge tólendi.
Osy járdemaqynyń mólsheri balanyń kezektiligine baılanysty, búgingi kúni járdemaqy 5,76 AEK-ten (2023 jyly – 19 872 teńge) 8,90 AEK-ke deıin (2023 jyly – 30 705 teńge).
1,5 jasqa deıingi bala kútimi boıynsha aı saıynǵy tólemniń ortasha mólsheri - 48 511 myń teńge.
Búgingi tańda bul tólemdi jalpy somasy 52,7 mlrd teńgege 343 241 myń adam aldy.
Esterińizge sala keteıik, bıyl 1 qańtardan bastap Memleket basshysynyń tapsyrmasy boıynsha bala kútimi boıynsha memlekettik járdemaqy men áleýmettik tólem tóleý merzimi bir jyldan bir jarym jylǵa deıin ulǵaıdy.
Bul norma balaly otbasylarǵa áleýmettik qoldaýdy kúsheıtý maqsatynda QR Áleýmettik kodeksinde kózdelgen.
Jyl sońyna deıin bala kútimi boıynsha tólemderdi 760 myń ana alady dep josparlanǵan. Bul maqsatqa 334,5 mlrd teńge qarastyrylǵan.