Qazaqstan dári-dármek kóleminiń 1,6%-yn nemese 25 túrin Ýkraınadan alyp kelgen.
QR Densaýlyq saqtaý mınıstri Ajar Ǵınıat málimdeýinshe, Qazaqstan Ýkraınadan dári-dármek jetkizetindermen kelisimshartty birjaqty tártipte buzyp jatyr, dep habarlaıdy Almaty-akshamy.kz
«Iá, búgingi tańda geosaıası jaǵdaı óte kúrdeli. Biraq biz, abyroı bolǵanda, barlyq preparat pen medısınalyq buıymǵa qajettilikti ótken jyly konkýrs ótkizip, preparattyń 94-in satyp alǵan edik. Búgingi tańda «SK-Farmasıa» qoımalary men habtarǵa barlyq preparattyń 50%-y jetkizildi. Pasıentterge qajet preparat maýsym aıynyń sońyna deıin jetedi», - dedi mınıstr.
Aıtýynsha, Qazaqstan dári-dármek kóleminiń 1,6%-yn nemese 25 túrin Ýkraınadan jetkizip keldi. Osy jyldyń basynda Ýkraınadaǵy jetkizýshiler Qazaqstanǵa bul kólemniń 40-70%-yn jetkizgen.
«Búgingi tańda zaýyttar jabyq. Biz birjaqty tártippen kelisimshartty buzyp jatyrmyz jáne qalǵan kólemge konkýrs ótkizemiz. Biz bul jumystardy 1 shildege deıin aıaqtap, dárimen qamtamasyz etemiz», - dedi A.Ǵınıat.
Sonymen qatar, mınıstrdiń aıtýynsha, vedomstvo dári-dármektiń shekti baǵasyn ındeksasıalaýdy qarastyryp jatyr.