Sondaı-aq Iýlıa Pýtınseva Aýstralıadaǵy jarystyń shırek fınalyna shyqty.
Qazaqstannyń birinshi raketkasy Elena Rybakına juptyq synda Adelaıda (Aýstralıa) WTA 500 týrnıriniń fınalyna shyqty, dep habarlaıdy Almaty-akshamy.kz QazAqparatqa silteme jasap.
E.Rybakına reseılik Anastasıa Pavlúchenkovamen birge jartylaı fınalda jarystyń úshinshi raketkalary, ýkraınalyq Lúdmıla Kıchenok – latvıalyq Elena Ostapenkomen sheberlik baıqasty.
Qazaqstandyq-reseılik jup birinshi partıada birden breık jasap, basymdylyǵynan aıyrylǵan joq – 6:4.
Olar ekinshi sette esep 4:5 bolǵan mezette qarsylastarynyń eki setbolyniń birin paıdalanýyna múmkindik bergen joq. Aqyry tarazy basyn ózderine aýdardy – 7:5.
Saǵat jarymǵa sozylǵan machta qazaqstandyq-reseılik dýet 4 eıs jasap, 15 breık-poınttyń úsheýin óz esebine jazdy. Qarsylastary bir breıkten asa alǵan joq.
Osylaısha, E.Rybakına A.Pavlúchenkovamen birge sporttyq jolynda ekinshi ret WTA fınalyna joldama aldy.
Olar sońǵy básekede chehıalyqtar Mırıam Kolodzejova – Marketa Vondroýshova nemese brazılıalyq Lýıza Stefanı – amerıkalyq Teılor Taýnsend juptarynyń qaı jeńgenimen bas júldeni sarapqa salady.
Eske sala keteıik, budan buryn Elena Rybakınanyń juptyq synda Adelaıda týrnıriniń jartylaı fınalyna ótkenin jazǵan bolatynbyz.
Sondaı-aq Iýlıa Pýtınseva Aýstralıadaǵy jarystyń shırek fınalyna shyqty.