«Jolaýshylar tasymaly» AQ paıdalanylmaǵan jol júrý qujattaryn (bıletterin) qaıtarý jáne poıyzdardyń keshigip kelgeni úshin ótemaqy tóleý QR-da Jolaýshylardy, bagajdy, júk-bagajdy jáne poshta jóneltimderin temirjol kóligimen tasymaldaý qaǵıdalaryna sáıkes júrgiziletinin málimdedi, dep habarlaıdy Almaty-akshamy.kz.
Poıyz keshikken kezde:
- 1 saǵattan keshiktirilmeı júretin poıyzda júrýden bas tartqan jolaýshylarǵa jol júrý qunyn tolyq qaıtarý júrgiziledi, biraq jolaýshylar poıyzy bılette kórsetilgen stansıadan jóneltilgenge deıin.
- Jolaýshylarǵa jol júrý jolynda saparlaýyn toqtatqan kezde, júrip ótpegen qashyqtyq úshin jol júrý quny tólenedi
- Ulttyq tasymaldaýshynyń jolaýshylar poıyzy keshikken jaǵdaıda árbir tolyq saǵat úshin 3% mólsherinde ótemaqy tólenedi, biraq jol júrý qunynan aspaıdy. Ótemaqyny «Jolaýshylar tasymaly» AQ-nyń bılet kasalarynan alýǵa bolady.
Jeke tasymaldaýshynyń jolaýshylar poıyzymen saparlaǵan jolaýshylar ótemaqy alý úshin jeke tasymaldaýshynyń ákimshiligine júginýi kerek.
Jolaýshylar poıyzyn aýystyrý kezinde:
- Aýystyrylǵan tómengi sanattaǵy jolaýshylar poıyzynda / vagonynda saparlaǵan jolaýshylarǵa jol júrý qunynyń aıyrmasy tólenedi, joǵary sanat úshin jolaýshylardan qosymsha aqy alynbaıdy.
- Aýystyrylǵan poıyzda/vagonda jol júrýden bas tartqan jolaýshylarǵa jol júrýdiń tolyq quny qaıtarylady.