Dzúdodan ulttyq quramanyń úzdigi Eldos Smetov aldaǵy aptada Býdapeshte ótetin Masters týrnırinde beldesedi.
Eldos eń jeńil salmaqta, ıaǵnı 60 kelide óner kórsetedi, dep habarlaıdy Almaty-akshamy.kz 24.kz-ke silteme jasap.
Budan bólek, el namysyn qorǵaıtyndar tiziminde Maǵjan Shamshadın, Nurqanat Serikbaev, Ǵusman Qyrǵyzbaev, Jansaı Smaǵulov sıaqty sportshylar bar. Al orta jáne aýyr salmaqtarda Danıar Shamshaev, Abylaıhan Jubanazar, Dıdar Hamza, Nurlyhan Sharhan jáne Ǵalymjan Qyryqbaı kúresedi.
Qyzdar arasynda Ǵalıa Tynbaeva, Arýna Jangeldına, Kamıla Berliqash jáne Aqerke Ramazanova júldege qol sozyp kórmek. Baıraqty báseke tamyzdyń 4-i men 6-sy aralyǵynda bolady. Oǵan 46 elden 400-den asa tańdaýly sportshy qatysady. Jarys jeńimpazdaryna reıtıńtik upaılar taratylady. Bul kórsetkish Parıj olımpıadasynyń joldamalary sarapqa salynǵanda negizgi róldi atqarady.