Taý velosıpedi, tońazytqysh jáne Samsung Galaxy S21: aldaǵy 5 kúnde vaksına qabyldaǵan turǵyndar arasynda 20-dan astam baǵaly syılyq utysy oınatylady.
Jetisý aýdanynyń ákimi COVID-19-ǵa qarsy vaksınanyń birinshi komponentin qabyldaǵan turǵyndar arasynda lotoreıa oınatylatyny týraly jarıalady. Osylaısha jergilikti atqarýshy bılik Almaty qalasynda jappaı vaksınasıalaýdy nasıhattaýdy kózdeıdi, dep habarlaıdy Almaty-akshamy.kz.
«Lotoreıaǵa qatysýǵa nıettiler Jetisý aýdanyndaǵy vaksınasıa ortalyqtarynda 2021 jyldyń 29 mamyry men 4 maýsymy aralyǵynda vaksınanyń birinshi komponentin saldyrýy qajet. Utys qorytyndysy senbi kúni, 5 maýsymda shyǵarylady», - dep habarlady ákimdik ókilderi.
Jeńimpaz jalǵyz emes, 21 adam bolatyndyqtan halyqtyń qatysýǵa degen yntasy zor. Vaksına saldyrǵandar arasynda Samsung Galaxy S21 telefony, sonymen qatar Samsung A32 smartfony, Samsung Galaxy Buds live qulaqqaby, tońazytqysh, taý velosıpedi sekildi 5 qosymsha syı, budan bólek 16 yntalandyrý syılyǵy oınatylady.
Aıta ketetin másele, almatylyq epıdemıologtar COVID-19-ǵa qarsy ekpe epıdemıaǵa tosqaýyl qoıatyn ujymdyq ımýnıtettiń qalyptasýynda mańyzdy ról atqaratynyn aıtýda. Vaksınasıaǵa qarqyn berý úshin Almatyda ekpe saldyrǵandardy yntalandyrý isi júrip jatyr.
1 maýsymda qaladaǵy 2 SOSO uıaly telefondar, turmystyq tehnıka, meıramhana sertıfıkaty, sondaı-aq jeńildik kartalary oınatyldy. Mundaı tájirıbe AQSH, Eýropa jáne Reseıde bar.