147 myń adam shyǵyp ketti.
QR İshki ister mınıstri Marat Ahmetjanov Úkimet otyrysynan keıin BAQ ókilderine bergen suhbatynda Qazaqstandy panalap jatqan reseılikter týraly sońǵy statısıkany aıtty, dep habarlaıdy Almaty-akshamy.kz QazAqparatqa silteme jasap.
«21 qyrkúıekten bastap Qazaqstanǵa neshe reseılik kelip, neshe reseılik shyǵyp ketti?», - dep surady BAQ ókili.
Mınıstrdiń aıtýynsha, kesheden beri Reseıden Qazaqstanǵa qaraı aǵylǵan nópir báseńsip, qalypty deńgeıge túsken.
«Bul másele baqylaýda. Reseıdiń 200 myńnan astam azamaty kirdi. Biraq búgingi tańda 147 myńy shyǵyp ketti. Árıne, ishinara mobılızasıa jarıalanǵan kezderde úlken keptelister boldy. Kesheden bastap burynǵy qalpyna kelip otyr. Mysaly, keshegi kúndi alatyn bolsaq, Reseıdiń 7 myńnan astam azamaty memleketimizge kirdi, 11 myńǵa jýyǵy shyǵyp ketti. Sondyqtan qazir kelgender shyǵyp jatyr. Mıgrasıalyq ahýal baqylaýda. Jan-jaqty qarap jatyrmyz», - dedi Marat Ahmetjanov.
Sondaı-aq ol eki aradaǵy shekaralyq qatynastar ekonomıkalyq odaq aıasynda retteletinin eske saldy.
«Eki taraptan da shekaradan ótýshi azamattarǵa shekteý joq, bolmaıdy da. Óıtkeni Eýrazıalyq ekonomıkalyq odaq aıasynda quqyqtyq shartymyz bar. Quqyqtyq memleket bolǵandyqtan, búkil is-qımyldy osy zań sheńberinde jasaımyz», - dedi İİM basshysy.