Derekterde qaýipsizdik saqtalady
Bul týraly Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın áleýmettik jelide jazdy, dep habarlaıdy Almaty-akshamy.kz.
«Endi eGov mobile-da tek bıometrıalyq derekter arqyly tirkelýge bolady. Burynǵydaı sms habarlama kútýdiń qajeti joq jáne paıdalanýshylardyń derekterinde qaýipsizdik saqtalady. Qazir eGov mobile – bul óte yńǵaıly qosymsha jáne halyqqa qyzmet kórsetý ortalyqtarynda alatyn qyzmetterdi osy jerden jyldam alýǵa bolady. Atap aıtqanda, 400 memlekettik qyzmet jáne jeke tulǵalarǵa arnalǵan e-license qyzmetteri, jeke kýálik pen júrgizýshi kýáligin qosa alǵanda, 18 sandyq qujat bar», – dedi mınıstr.
Sondaı-aq ol memlekettik qyzmetterdi telefonnan jyldam alýǵa kómektesetin múmkindikterdi iske asyrý baǵytynda tıisti jumystar atqarylyp jatqanyn aıtty.
«Bıometrıalyq derekter arqyly tirkelýge toqtala ketsem. Digital ID júıesi arqyly aldyn ala beıne-sáıkestendirýden ótip, ESQ kiltterin alý qajet. Ózim arnaıy kirip kórdim, 2-3 mınýt ýaqytymdy aldy. Qazir áriptesterimiz qazaqstandyqtarǵa memlekettik qyzmetterdi telefonnan jyldam alýǵa kómektesetin múmkindikterdi iske asyrý baǵytynda tıisti jumystar atqarýda», – dep jazdy Baǵdat Mýsın.