Búgin Almatyda ákimdiktiń qoldaýymen qalanyń qoǵamdyq uıymdary uıymdastyrǵan Almaty Clean&Green ekologıalyq aksıasy ótip jatyr. Osy rette senbilikke kelgen jeltoqsanshylar ózderine arnalǵan saıabaq aýmaǵyna qamqor bolýǵa ýáde berdi.
– Búgin, 22 sáýir kúni, qalalyq senbilik bolyp jatyr. Soǵan búkil jastar, stýdentter, jeltoqsanshylar – ár uıymnan kelip, aǵash otyrǵyzyp, qoqys jınap, qala tazalyǵyna úles qosyp otyr. Bul – keremet bastama. Menińshe, endi tek saıabaq aýmaǵyn emes, árkim óziniń úıiniń aldyn tazalap, jastarǵa úlgi-ónege kórsetýimiz qajet. Árbirimiz tabıǵatty aıalaıtyn bolsaq, ekologıamyz jaqsy bolady degen oıdamyz. Osyǵan árkim úles qosýy kerek. Endi bul Jeltoqsan saıabaǵy dep jeltoqsanshylarǵa arnalǵannan keıin keleshekte oblystan, qaladan kelip, búgin egilgen taldarǵa sý quıyp, jyl saıyn qarap turamyz, – dedi «Patrıottyq qozǵalys «Jeltoqsan Aqıqaty» Respýblıkalyq qoǵamdyq birlestiginiń tóraǵasy Bolat Qurymbaev.