Maǵan juqpaıdy degen oımen qapy qalǵannan góri, «saqtansań, saqtaımyn» degendi basshylyqqa alǵan jón.
Mundaı keńesti Sputnik radıosyna bergen suhbatynda medısına ǵylymdarynyń kandıdaty, jalpy tájirıbelik dáriger Alekseı Hýhrev aıtty, dep habarlaıdy Almaty-akshamy.kz Lenta.ru saıtyna silteme jasap.
COVID-19 juqtyrǵan adammen baılanysta bolǵan kezde saqtyq sharasy retinde S jáne D dárýmenderin qabyldap, muryndy shaıyńyz. Mundaı keńesti Sputnik radıosyna bergen suhbatynda medısına ǵylymdarynyń kandıdaty, jalpy tájirıbelik dáriger Alekseı Hýhrev aıtty.
Onyń paıymdaýynsha, juqtyrý qaýpin elemeýden góri suqbattasýshyda COVID-19 bar dep oılap, soǵan sáıkes áreket etken durys.
«Keıbir dárigerler ınterferon álfany murynǵa tamyzýǵa bolatynyn aıtady jáne bul aýrý adammen baılanysta bolǵannan keıin koronavırýstyq ınfeksıanyń damý yqtımaldyǵyn azaıtady. Múmkin bul kómektesetin shyǵar, biraq bul boljamdy rastaıtyn naqty derekter áli joq. Kez kelgen jaǵdaıda S dárýmeni men D dárýmenin ishýdiń zıany joq dep oılaımyn. Muryndy shaıýǵa da bolady», - dedi Hýhrev.
Dárigerdiń aıtýynsha, boljaldy koronavırýs tasymaldaýshysymen baılanysta bolǵannan keıin 7-10 kún ishinde siz óz densaýlyǵyńyzdy muqıat baqylaýyńyz kerek. Eger sizde ınfeksıa belgileri bolsa, dárigermen keńesý kerek. Sonymen qatar, eger koronavırýstyń "omıkrondyq" shtamy bar naýqaspen kontakt bolǵan bolsa, onyń ınkýbasıalyq kezeńi basqa nusqalarǵa qaraǵanda qysqa bolǵandyqtan, sımptomdardyń paıda bolýy da tez.
«Eger siz "omıkrondy" juqtyrǵan adammen baılanysta bolsańyz, onda belgiler bir-eki kúnde paıda bolýy múmkin nemese bolmaýy múmkin, biraq biz ázirge bizdiń elde "omıkronnyń" qanshalyqty taralǵanyn naqty bile almaımyz», - dedi ol.
Dáriger vaksınalaý arqyly COVID-19 indetin juqtyrý qaýpin azaıtýǵa bolatynyn atap ótti. Hýhrevtyń aıtýynsha, vaksınalaý aýrýdan júz paıyz qorǵaı almasa da, aýrýdyń aýyr aǵymyn boldyrmaýǵa kómektesedi.
Buǵan deıin Chehıanyń halyq ánshisi Hana Horka ekpe almaǵandarǵa shekteý qoımas úshin ádeıi koronavırýs ınfeksıasyn juqtyrǵany jáne qaıtys bolǵany belgili bolǵan. Óliminen birneshe kún buryn Horka óziniń saýyǵyp jatqanyn habarlady, al qaıtys bolǵan kúni densaýlyǵynyń jaqsarǵanyn jazdy. Keıin onyń arqasy aýyrdy. Ánshi tósekke jatýǵa bel býyp, on mınýttan keıin tunshyǵyp óldi.