Májilis depýtaty Ermurat Bapı «Eski Qazaqstan» ókilderiniń áleýmettik jeliler arqyly arandatýshy aqparat taratyp, eldegi jaǵdaıdy turaqsyzdandyrýǵa tyrysatynyn málimdedi, dep habarlaıdy aqshamnews.kz
2024 jyly ınternette zańsyz áreketterge, onyń ishinde jappaı tártipsizdikterge shaqyrǵan destrýktıvti materıaldardyń taralýy anyqtaldy. UQK jaýabynda mundaı mazmundy jarıalaǵan 330 qoldanýshy anyqtalyp, olardyń 29-ynyń qylmystyq, 30-ynyń ákimshilik jaýapkershilikke tartylǵany aıtyldy. Qalǵandaryna qatysty aldyn alý sharalary júrgizildi.
UQK málimetinshe, arandatýlardyń bir bóligi Darıǵa Nazarbaevanyń beınesin aqparattyq manıpýlásıa quraly retinde paıdalanýmen baılanysty bolǵan. Saıası sıpattaǵy mundaı áreketter negizinen anonımdi túrde, sheteldik platformalar arqyly taratylady, bul jaýapty tulǵalardy anyqtaýdy qıyndatady.
Depýtattyń málimetteri nazarǵa alynyp, qosymsha aqparat bolsa, UQK olardy habarlaýdy surady.