UQK Shekara qyzmeti 2024 jyly Memlekettik shekarany kúzetý men qorǵaýdy qamtamasyz etý aıasynda quzyrly organdarmen ózara árekettese otyryp, birqatar mańyzdy is-sharalardy júzege asyrdy, dep habarlaıdy aqshamnews.kz vedomstvonyń baspasóz qyzmetine silteme jasap.
Bul jylda kelesi nátıjelerge qol jetkizildi:
-
Shekara keńistiginde Qazaqstan Respýblıkasynyń zańnamalaryn buzǵany úshin 55 myńnan astam adam jaýapkershilikke tartyldy, sonyń ishinde:
- 324 shetel azamaty shekarany buzǵany úshin ustaldy;
- 383 shetel azamatynyń shekarany buzý áreketteriniń joly kesildi.
-
Memlekettik shekara arqyly 15 041 zańsyz alyp ótý faktisi aldyn alyndy, sonyń ishinde:
- 451 esirtki zattary (2 tonna 300 kg astam);
- 886 qarý men oq-dáriler;
- 455 dinı ádebıet (24 087 dana);
- 5 283 janar-jaǵarmaı materıaldary, jalpy somasy 160 mln teńgeden asatyn;
- 6 086 halyq tutyný taýarlary, jalpy somasy 70 mlrd teńgeden astam;
- 1 880 shetel valútasy, jalpy somasy 19 mlrd teńgeden astam.
-
Kaspıı akvatorıasynda 390 brakonerlik faktisi aldyn alyndy, sonyń ishinde:
- 196 dana júzý quraldary;
- 536 km tordy quraıtyn brakonerlik aýlaý quraldary;
- 1 994 dana bekire tuqymdas balyqtar (11 379 kg);
- 87 814 dana usaq tuqymdas balyqtar (98 296 kg);
- 117 dana ıtbalyǵy.
Aldy alynǵan zalal somasy 4,6 mlrd teńge qurady.
Bul faktiler boıynsha barlyq materıaldar buzýshylardy jaýapkershilikke tartý úshin quqyq qorǵaý jáne sot organdaryna jiberildi.