Álemdi ábigerge túsirip jatqan «omıkron» kórshiles Reseıge de jetti.
Covid-19 taralýyna jol bermeý jónindegi VAK-tyń telegram kanaly kovıdtik álemniń jaǵdaıyna sholý jasaıdy, dep habarlaıdy Almaty-akshamy.kz
Ońtústik Afrıka aýrýhanalaryn naýqastardyń kóp túsýine baılanysty aldyn ala daıyndaýda, sebebi «omıkron» elde COVID-19 ınfeksıasynyń tórtinshi tolqynyn týdyrdy. Ońtústik Afrıkada vırýs juqtyrýdyń kúndelikti kórsetkishi dúısenbidegi 2.3 myń jaǵdaıdan juma kúni 16 myńnan astam jaǵdaıǵa deıin ósti. Prezıdent Sırıl Ramafosa halyqty koronavırýsqa qarsy vaksınasıadan ótýge shaqyrdy.
Maldıvte «omıkron» shtamyn juqtyrýdyń alǵashqy jaǵdaıy tirkeldi. Infeksıa 27 qarashada Ońtústik Afrıkadan kelgen týrıse rastaldy. Jańa shtamnyń taralý qaýpine baılanysty Maldıv Úkimeti sheteldikterge Zımbabve, Namıbıa, Mavrıkıı, Mozambık, Lesoto, Botsvana, Esvatını jáne Ońtústik Afrıkadan elge kirýge tyıym saldy.
Lıtvada Rojdestvoǵa deıin COVID-ke qarsy vaksınasıalanǵan zeınetkerlerge 100 evro tólenedi. Aqshany 1 qyrkúıekten 30 qarashaǵa deıin egilgen 75 jastan asqan qart adamdar alady. Krıterıı boıynsha Lıtvanyń 93 myń turǵyny kiredi. Tólem alý úshin arnaıy ótinish berýdiń qajeti joq.