Eldiń soltústiginde jańbyr, naızaǵaı, burshaq, daýyl bolsa, ońtústikte aptap ystyqtyń beti qaıtar emes.
Qazgıdromet 21 shildege arnalǵan aýa raıy men qaýipti meteorologıalyq qubylystarǵa boljam jasady, dep habarlaıdy Almaty-akshamy.kz
Atmosferalyq frontaldy bólimderdiń ótýine baılanysty elimizdiń basym bóliginde turaqsyz aýa raıy saqtalady, jańbyr jaýady, kúndiz Aqmola oblysynda – qatty jańbyr, naızaǵaı, burshaq, daýyl kútiledi. Tek respýblıkamyzdyń batys jáne ońtústik-batys bólikterinde antısıklonnyń áserinen aýa raıy - jaýyn-shashynsyz.
«Kúndiz Atyraý, Jambyl oblystarynda, Mańǵystaý, Qaraǵandy, Shyǵys Qazaqstan, Ulytaý, Abaı oblystarynyń ońtústiginde 35-38°S qatty ystyq kútiledi.Túrkistan, Jambyl, Shyǵys Qazaqstan, Qaraǵańdy, Ulytaý, Jetisý, Abaı oblystarynyń basym bóliginde, Aqmola oblysynyń ońtústiginde, shyǵysynda, Qyzylorda oblysynyń ortalyǵynda, shyǵysynda, Pavlodar oblysynyń ońtústiginde, Aqtóbe oblysynyń ońtústik-shyǵysynda, Mańǵystaý oblysynyń soltústik-batysynda, ońtústiginde, ortalyǵynda, Atyraý oblysynyń batysynda tótenshe órt qaýpi saqtalady», - dep habarlady vedomstvo.
Almaty oblysynyń, Soltústik Qazaqstan oblysynyń batysynda, ońtústiginde, Qostanaı oblysynyń ońtústiginde joǵary órt qaýpi kútiledi.