23 qarashada elimizdiń alty oblysynda qolaısyz aýa raıyna baılanysty eskertý jarıalandy, dep habarlaıdy Almaty-akshamy.kz "Qazgıdromet"RMK-ǵa silteme jasaı otyryp.
Túnde jáne tańerteń Batys Qazaqstan oblysynyń soltústiginde, shyǵysynda tuman, kóktaıǵaq bolady dep kútiledi. Kúndiz oblystyń batysynda ońtústik shyǵystan, shyǵystan soqqan jeldiń ekpini 15-20 m/s quraıdy.
Qyzylorda oblysynyń soltústiginde, ortalyǵynda tuman túsedi dep boljanady.
Túnde jáne tańerteń Túrkistan oblysynyń batysynda, soltústiginde, ońtústiginde, taýly aýdandary men taý bókterinde tuman túsedi. Shymkent pen Túrkistan qalalarynda túnde jáne tańerteń tuman túsedi.
Shyǵys Qazaqstan oblysynyń basym bóliginde qar jaýady, oblystyń soltústiginde, shyǵysynda da qar qalyń. Oblystyń soltústiginde, ortalyǵynda, ońtústiginde qar ushqyndap, boran soǵady. Oblystyń soltústiginde, ortalyǵynda, ońtústiginde soltústik batystan soqqan jeldiń ekpini 15-20 m/s quraıdy.
Túnde Jetisý oblysynyń taýly aýdandary men taý bókterinde qatty jaýyn-shashyn (jańbyr, qar) túsip, tuman bolady. Oblystyń shyǵysyndaǵy ońtústik batystan soqqan jeldiń ekpini 17-22 m/s quraıdy.
Aqtóbe oblysynyń soltústiginde, batysynda, shyǵysynda kóktaıǵaq oryn alyp, oblystyń ońtústiginde, shyǵysynda tuman túsedi. Aqtóbede túnde kóktaıǵaq bolady.