Benzın saqtaıtyn rezervýarǵa sý aqqan
Almatydaǵy janarmaı quıý stansıasynyń birinde kólikterge sý aralas benzın quıylǵany týraly oqıǵa tergelip jatyr, dep habarlaıdy Almaty-akshamy.kz QazAqparatqa silteme jasap.
Oqıǵanyń vıdeosy áleýmettik jelide tarady.
Atalǵan másele boıynsha Almaty qalasynyń kásipkerlik jáne ınvestısıalar basqarmasy jaýap berdi.
Vedomstvo málimetinshe, keshegi jańbyrdan soń «Gazpromneft» avtojanarmaı quıý stansıasynyń benzın saqtaıtyn rezervýaryna sý aqqan. Budan keıin shamamen 10 avtokólikke sý qosylǵan benzın quıylǵan.
«Qazirgi ýaqytta sý qosylǵan benzın quıylǵan 7 avtokólik ıesi men vıdeo avtorynyń zalaly óteldi. Sonymen qatar janarmaı quıý stansıasyn paıdalaný bólimi atalǵan oqıǵaǵa tekseris júrgizýde», - dedi qalalyq kásipkerlik jáne ınvestısıalar basqarmasy.