Sáýirde kólikti tirkeý merzimi 30 qyrkúıekke deıin uzartylǵan edi. Búgin ruqsat merzimi bitti, dep habarlaıdy almaty-akshamy.kz zakon.kz silteme jasap.
Endi shetelde tirkelgen kólikterdi kedendik baj salyǵyn tólep, bizdiń elde tirkeý kerek nemese Qazaqstan shekarasynan ǵana emes, EEO aýmaǵynan shyǵarý qajet.
Kedendik talapty buzǵandardy polısıa izdep, kólikter aıypturaqqa qoıylady. Iesi kedendik bajdy tolyq tóleýge mindetteledi.
Qarjy mınıstrligi Memlekettik kirister komıtetiniń málimetinshe, ýaqytsha júrý merzimi endi uzartylmaıdy.
Kedenshilerdiń aıtýynsha, Qazaqstan azamattary Belarýs pen Reseıdiń kólik quraldaryn ýaqytsha ákelý merzimin eskermeı, EEO aýmaǵynda senimhat arqyly paıdalana alady. Al Armenıa men Qyrǵyzstannan ákelingen kólikterdi senimhat arqyly basqarýǵa quqyǵy joq.
Elden shyǵarý týraly mindettemeniń Qazaqstanda ýaqytsha tirkelgen armenıalyq avtokólikterge (A serıaly sary nómir) qatysy joq.
Memlekettik Kirister komıtetiniń deregi boıynsha, 2020 jyly naýryzdan bastap (elimizde tótenshe jaǵdaı engizilgennen beri) Qazaqstanǵa 4 708 sheteldik avtokólik ýaqytsha kirgizilgen. Qazir olardyń 500-i baqylaýda. Olar Ázirbaıjan, Aýǵanstan, Bosnıa jáne Gersegovına, Germanıa, Grýzıa, Islandıa, Ispanıa, Lıtva, Polsha, Slovenıa, Tájikstan, Túrkimenstan, Ózbekstan, Ýkraına men Fransıadan jetkizilgen.