QR IIDM Azamattyq avıasıa komıtetiniń tóraǵasy Talǵat Lastaev Boeing kompanıasynyń vıse-prezıdenti Monte Freızermen kezdesý ótkizdi, dep habarlaıdy Almaty-akshamy.kz.
Eki tarap Boeing kompanıasynyń AQSH Federaldyq azamattyq avıasıa basqarmasynyń (FAA) Ushý qaýipsizdigin halyqaralyq baǵalaýynan (IASA) jedel ótý úshin Qazaqstannyń avıasıalyq ákimshiligine óteýsiz tehnıkalyq kómek berý jáne QR men AQSH arasyndaǵy tikeleı reısti iske qosý úshin CAT1 mártebesin alý týraly ýaǵdalasty.
T.Lastaev pen M.Freızer QR men AQSH arasynda tikeleı áýe qatynasyn ashý, sondaı-aq Qazaqstanda Boeing kompanıasynyń jattyǵý jáne tehnıkalyq ortalyqtaryn ornalastyrý múmkindigine qatysty máselelerdi talqylady.
Qol jetkizilgen ýaǵdalastyqtar sheńberinde bıyl mamyr aıynyń úshinshi onkúndiginde Boeing mamandary Nur-Sultan qalasyna keledi.
Sonymen qatar, kezdesýge qatysýshylar Qazaqstanda azamattyq avıasıa salasyndaǵy jas talanttarǵa arnalǵan Boeing kompanıasynyń arnaıy oqytý baǵdarlamasyn uıymdastyrý týraly kelisimge qol jetkizdi.