Alǵashqy lekte 2 577 adamǵa grant berý josparlanyp otyr.
Qazaqstanda 1,4 mln teńgeniń granttaryna ótinim qabyldaý bastaldy, dep habarlaıdy Almaty-akshamy.kz
Memlekettik grant jańa bıznesti iske qosý jáne damytý úshin óteýsiz beriledi.
"Granttar qarajaty isin jańa bastaǵan kásipkerlerge ózderiniń bıznes-áleýetin ashýǵa, óndiristi jolǵa qoıýǵa jáne damytýǵa, sol arqyly ózin turaqty tabyspen qamtamasyz etýge múmkindik beredi", - deıdi Eńbek jáne halyqty áleýmettik qorǵaý mınıstrliginiń mamandary.
Ótinimder Business.enbek.kz portalynda qabyldanady. Granttyń kólemi - 400 AEK-ti (1 380 000 teńge). Ár qatysýshy ony tek bir ret ala alady.
Ótinim berý úshin:
- portalda tirkelý;
- grant alý sharttaryna sáıkestigine tekserýden ótý;
- bıznes-jospar úlgisin júktep alyp, ony toltyrý jáne portalǵa engizý;
- ótinish nysanyn toltyrý jáne ESQ kiltimen qol qoıý qajet.
Internet nemese kompúter bolmaǵan jaǵdaıda, halyqty jumyspen qamtý ortalyqtarynyń ózine-ózi qyzmet kórsetý aımaqtarynda, halyqqa qyzmet kórsetý ortalyqtarynda ótinim berýge bolady. Jańa bıznes-ıdeıany iske asyrýǵa memlekettik grant alýǵa úmitkerler:
- tirkelgen jumyssyzdar;
- jeke kásipkerler (tirkeý merzimi 3 jylǵa deıin)
- múgedektigi bar adamdar;
- qoldanystaǵy "qandas" mártebesi bar adamdar;
- óńiraralyq qonys aýdarýshylar
- az qamtylǵan otbasy músheleri;
- kóp balaly otbasy múshesi (jubaıy/zaıyby);
- múgedektigi bar balany tárbıelep otyrǵan adam (jubaıy/zaıyby);
- asyraýshysynan aıyrylý boıynsha járdemaqy alýshylar.
Úmitkerdiń "Bastaý Bıznes" jobasy boıynsha kásipkerlik negizderine oqytý týraly 3 jyldan aspaıtyn merzimge sertıfıkaty bolýǵa tıis.