2024 jyldan bastap elde sapaly jobalardy tartýǵa baǵyttalǵan «ınvestısıa kólemi artqan saıyn beriletin jeńildikter de kóbeıedi» qaǵıdaty boıynsha jeńildikter usynýdyń saralanǵan tásili qoldanysqa engizildi. Sondaı-aq óńdeýshi ónerkásip jobalary úshin paıdalanýǵa berilgen sátten bastap úsh jyl ótken soń AEA aýmaǵyndaǵy jer ýchaskelerin merziminen buryn satyp alý tetigi engizildi. Bul sharalar áleýetti ınvestorlar úshin AEA-nyń tıimdiligin arttyrdy.
Osy ónerkásiptik aýmaqtardy odan ári damytýǵa baǵyttalǵan sharalar qabyldanyp jatyr.
«QazIndustry» AQ AEA men IA damytý dıreksıasynyń habarlaýynsha, 2025 jyly Qazaqstanda úsh jańa AEA quryldy – «Qorqyt Ata», «Aqtóbe» jáne «Atyraý». Sonymen qatar, «Turan», «Morport Aqtaý», «Pavlodar», «Horgos-SHyǵys qaqpasy», «Saryarqa», «Jibek Joly», «Qyzyljar» jáne «Ulttyq ındýstrıalyq munaıhımıalyq tehnopark» AEA aýmaqtary keńeıtildi.
«Memleket basshysynyń tapsyrmalaryn iske asyrý aıasynda Úkimet áýejaılardy damytý jáne mýltımodaldy áýejaı habtaryn qurý maqsatynda «Morport Aqtaý», «Ońtústik», «Astana-Tehnopolıs», «Saryarqa» jáne «Alatau» AEA aýmaqtaryn keńeıtý týraly sheshim qabyldady. Sonymen qatar, «Morport Aqtaý», «Jibek Joly», «Alatau», «Horgos-SHyǵys qaqpasy», «Aqtóbe», «Qorqyt Ata», «QYZYLJAR» jáne «Inovasıalyq tehnologıalar parki» AEA qyzmetiniń basym salalary keńeıtildi», – delingen habarlamada.
Mundaı sharalar ınvestısıalardy tartýǵa, jańa jumys oryndary men óndiristerdi qurýǵa, sondaı-aq ınovasıalyq tehnologıalardy engizýge yqpal etedi.
Zańnamany jetildirý boıynsha jumys jalǵasýda. Ol qolaıly ınvestısıalyq ahýaldy qurýǵa, óńirlerdi damytýǵa jáne el ekonomıkasynyń básekege qabilettiligin arttyrýǵa baǵyttalǵan. Memleket qabyldaıtyn barlyq sharalar bıznesti damytý, ınvestısıalardy, joǵary tehnologıalyq salalardy tartý jáne qosylǵan quny joǵary óndiristi yntalandyrý úshin qolaıly jaǵdaılar jasaıdy.
Qazirgi tańda Qazaqstanda 17 AEA jáne 67 IA bar.