Jobalardyń jalpy somasy 9 mlrd teńgeni quraıdy.
Bul týraly Óńirlik komýnıkasıalar qyzmeti alańynda sóılegen sózinde Almaty qalasy ákiminiń orynbasary Álisher Ábdiqadyrov málim etti, dep habarlaıdy Almaty-akshamy.kz
Onyń aıtýynsha, qalada shaǵyn jáne orta ındýstrıaldyq kásiporyndaryna arnalǵan ónerkásiptik parkter qarqyndy damyp keledi.
Shaǵyn ónerkásiptik parkter aýmaqtarynda salalardy damytýdy yntalandyrý maqsatynda qazirdiń ózinde jańa jeńildetilgen nesıe ónimi – ónerkásiptik ıpoteka engizildi. Bul ónim satyp alynǵan aýmaqtardy nesıege kepildik retinde paıdalanýǵa múmkindik beredi, bul kásipkerlerdiń kepil júktemesin aıtarlyqtaı azaıtady.
Sondaı-aq, bıyl 1,4 mıllıard teńge ınvestısıa tartylyp, 220 jumys orny ashylǵan úsh shaǵyn ındýstrıalyq park iske qosyldy.
Álisher Ábdiqadyrov ótken jyldyń aralyq qorytyndysyn shyǵaryp qana qoımaı, ákimdiktiń 2023 jylǵa arnalǵan óńdeý ónerkásibin damytý josparyna da toqtaldy. Sondaı-aq, ol búginde shaǵyn ónerkásiptik parkterge degen qyzyǵýshylyqtyń joǵary ekenin, bul jeńildik sharttarmen baılanysty ekenin atap ótti. Rezıdentterge 1 sharshy metri 1200 teńgeden komýnıkasıalary júrgizilgen ádemi árlengen úı-jaılar 150 myń teńge/m2 úshin jalǵa alynǵan úı-jaıdy keıinnen satyp alý múmkindigimen 7 jylǵa deıin beriledi Sondaı-aq ındýstrıaldy parkterdiń rezıdentterine 7 jylǵa deıin 70 mln teńgege deıin jyldyq 2 paıyzben jeńildetilgen nesıe beriledi.
Búginde 30 myń sharshy metrden astam shaǵyn ónerkásiptik parkterdiń úı-jaılary bar, 2025 jylǵa qaraı olardy 250 myń sharshy metrge deıin ulǵaıtý josparlanýda.
Indýstrıaldy aımaqtyń II kezeńin damytý aıasynda 2025 jylǵa deıin onyń aýmaǵyn 189 gektarǵa keńeıtý josparlanýda. 2023 jyly 41,7 mlrd teńgege 15 ındýstrıalyq jobany júzege asyrý, 5 ındýstrıaldy parkti iske qosý josparlanýda. 2023-2025 jyldar aralyǵynda Almatyda óńdeý ónerkásibinde 243,4 mlrd teńgege 48 jobany júzege asyrý josparlanýda. Mýltıbrendti avtomobıl zaýytynyń (Changan, Chery, Haval markalary) qurylysy jalǵasady. Ol iske qosylyp, jobalyq qýatqa jetkennen keıin avtokólik óndirisi jylyna 150 myńǵa deıin artady. Bul tolyqqandy avtomobıl ónerkásibiniń klasterin qalyptastyrýǵa múmkindik beredi.
Óńdeý ónerkásibin damytý onyń ekonomıkadaǵy úlesin 2025 jyly 6 paıyzǵa deıin arttyrady.