Sońǵy táýlikte indetke shaldyqqan 477 oblys turǵynynyń 68-i mektep jasyndaǵy balalar.
Almaty oblysynda koronovırýs juqtyrǵandar sany kúrt kóbeıdi, dep habarlaıdy Almaty-akshamy.kz «Habar 24» saıtyna silteme jasap.
Mamandardyń aıtýynsha, mundaı jaǵdaı tipti ótken jyly da bolmaǵan. Syrqattanǵandar kórsetkishiniń ósýi sońǵy eki aptada 0,9 prosentten 1 prosentke jetti. Negizinen Alakól, Balqash, Eskeldi, Qaratal, Kerbulaq, Panfılov, Sarqan jáne Kegen aýdandarynda ósim kórsetkishi saqtalyp otyr.
Aıta keteıik, aımaqta byltyrdan beri 38 myńnan asa adamnan koronovırýstyq ınfeksıanyń belgileri baıqalǵan.
«Byltyr karantın bastalǵaly adamdar karantın talaptaryn saqtap, toı jasamap edi. Bıyl órship bara jatqanyna qaramastan toı jasap jatyr. Bizde qazir monıtorıńtik toptar jumys istep jatyr. Olar toı jasaýǵa qatysty kúnine 3-4 jaǵdaı tirkep jatyr. Ol bir toıda eki júz, úsh júz adamnan keledi», - dedi oblystyq Sanıtarıalyq-epıdemıologıalyq baqylaý departamentiniń baspasóz hatshysy Álıa Shaǵıahmet.