Al ekpe salý naýqany bastalǵannan beri qalada barlyǵy 444 311 adamǵa vaksına salynǵan.
Almaty qalalyq Qoǵamdyq densaýlyq saqtaý basqarmasynyń málimetinshe, qalada bir táýlikte 10 398 adam koronavırýsqa qarsy vaksına saldyrǵan, dep habarlaıdy Almaty-akshamy.kz.
«28 maýsym kúni 10 398 almatylyq vaksına saldyrdy. Bıylǵy jyldyń 1 aqpany men 28 maýsymy aralyǵynda qalada barlyǵy 444 311 adamǵa ekpe salyndy. Vaksına alǵandardyń jalpy sanynan 60 jastan asqan qart kisiler - 74 656», - dep habarlady basqarma.
Qalada 208 egý pýnkti jumys istep tur. 1 256 adamnan turatyn 307 egý brıgadasy bar. Sonymen qatar 40 kóshpeli mobıldi brıgada uıymdastyryldy.
«Qazirgi medısınalyq uıymdarda, mektepterde, mádenıet, sport obektilerinde, bazarlar men qalanyń saýda, oıyn-saýyq ortalyqtarynda vaksınasıa pýnkti jumys isteıdi», - dep naqtylady Qoǵamdyq densaýlyq saqtaý basqarmasynyń baspasóz qyzmeti. Qala boıynsha vaksınanyń birinshi komponentiniń 31 321 dozasy jáne ekinshi komponentiniń 100 792 dozasy bar.