Nýmerolog 2022 jyl ekonomıkalyq quldyraý men toqyraýǵa ushyraýy múmkin ekenin aıtty
Sanaýly kúnen elimiz 2022 jylǵa aıaq basady. Qazaqtyń jyl sanaýy boıynsha 2022 jyly barys jyly kiredi. Ár jyldyń ózindik ereksheligi, alyp keler nesibesi bar. 2022 jyl nesimen erekshe?
Psıholog, tele jáne radıojúrgizýshi, belgili qazaqstandyq nýmerolog Aısulý Ahımova aldaǵy jylǵa boljam jasady, dep habarlaıdy Almaty-akshamy.kz QazAqparatqa silteme jasap.
Onyń aıtýynsha, keler jyldyń sany – «6».
«2022 jyl kóp adamdy tózimdilikke, shydamdylyqqa synaıtyn jyl bolmaq. Nýmerologıada «6» - bul kúshti san. Negizgi sıpattamalar qarjy, ál-aýqat. Sonymen qatar, eńbekqorlyqpen baılanysty bolady. Aqylǵa qonymdy sheshimder men logıka, senimdilik pen batyldyq jyly», - deıdi nýmerolog.
Bul jyly ásirese jumysqa jáne kez kelgen bastamalarǵa kúsh salý kerek. Sáttilikke nemese kezdeısoqtyqqa senýge bolmaıdy.
Nýmerolog 2022 jyl ekonomıkalyq quldyraý men toqyraýǵa ushyraýy múmkin ekenin aıtty. Sondyqtan azamattardy shyǵyndarǵa saq bolýǵa jáne naqty taldaýǵa sáıkes áreket etýge shaqyrdy.
«Bul jyl jalqaýlyqty keshirmeıdi, aspanda qalyqtaýdyń qajeti joq. Qıalǵa berilmeńiz. Agresıa men nemquraılylyqtan aýlaq bolyńyz», - dedi ol.
Nýmerolog mańyzdy bastama bastamas buryn bir stakan taza sý iship alý kerek ekenin tilge tıek etti.
«Eger sizge shuǵyl túrde mańyzdy máseleni sheshý qajet bolsa, stakanǵa taza aýyz sý quıyńyz, sosyn otyryp birneshe baıaý jutym jasańyz. Sol kezde sizdi mazalap júrgen suraqtar jaqyn arada sheshilip, kenetten jańa oılar paıda bolady»,- deıdi Aısulý Ahımova.
Aısulý Ahımovanyń aıtýynsha, jańa jylda qyzmettiń jıi aýysýy, qonys aýdarý bolady.
«Osy jyly dúnıege kelgen sábılerdi kishkentaıynan shydamdylyqqa, tózimdilikke, eńbekke baýlý mańyzdy. Gadjetter men kompúterlik oıyndarǵa shekteý qoıý kerek. Olar úshin shahmat jáne konstrýktor oıyndary paıdaly. 2022 jyly shet tilderin úırenýge, daǵdylaryńyzdy jetildirýge jáne ózińizdi tárbıeleýge ýaqyt bólińiz. Ásirese 2022 jyldyń aqpanynan bastap shet tilderin úırenýdi bastaý tıimdi», - dedi ol.
Nýmerlog densaýlyqqa qatysty da aıtty.
«Bıyl baýyr men qan aınalymy júıesiniń jumysyna nazar aýdarǵan jón. Tabıǵatqa jıi shyǵyp turý kerek. Ioga, bı, fýtbol jáne serýendeý paıdaly», - dep túıindedi Aısulý Ahımova.