Sońǵy 24 saǵat ishinde Beıjińde koronavırýs juqtyrýdyń 22 jaǵdaıy tirkeldi
Qytaı astanasynyń bıligi COVID-19 juqtyrýdyń taǵy 22 jaǵdaıy anyqtalǵannan keıin, epıdemıaǵa qarsy sharalardy kúsheıtti, dep habarlaıdy Almaty-akshamy.kz QazAqparatqa silteme jasap.
«Sońǵy 24 saǵat ishinde Beıjińde koronavırýs juqtyrýdyń 22 jaǵdaıy tirkeldi», - delingen Qytaıdyń Gıgıena jáne densaýlyq isteri jónindegi memlekettik komıtetiniń jeksenbi kúni jarıalaǵan esebinde.
COVID-19-ǵa shaldyǵý derekteri kóbeıip otyrǵandyqtan Beıjiń bıligi epıdemıaǵa qarsy sharalardy kúsheıtýde. Senbiden bastap Chaoıan aýdanyndaǵy segiz shaǵynaýdan koronavırýsqa tekserildi.
«Epıdemıologıalyq tekserýdiń aldyn ala nátıjeleri aýrýdyń qazirgi tolqyny shamamen bir apta boıy jasyryn túrde taralyp jatqanyn kórsetti», - dedi Beıjiń aýrýlardy baqylaý jáne aldyn alý ortalyǵy basshysynyń orynbasary Pan Sınho senbi kúni brıfıńide.
Qala bıligi megapolıs turǵyndaryn asa qajettilik bolmasa Beıjiń aýmaǵynan shyqpaýǵa, adam kóp jınalatyn oryndarǵa barmaýǵa, COVID-19 juqtyrý qaýpi ortasha jáne joǵary aımaqtarǵa barýdan bas tartýǵa shaqyrady.
«Skrınıngilik sharalar kúsheıtilgendikten, aldaǵy ýaqytta aýrýdyń jańa jaǵdaılary anyqtalýy múmkin», - dep túıindedi qytaılyq epıdemıolog.
Resmı derekterge sáıkes, ústimizdegi jyldyń 1 naýryzynan beri Qytaıdyń materıktik aýmaǵynda koronavırýs ınfeksıasynyń barlyǵy 600 myńǵa jýyq jaǵdaıy tirkeldi. Koronavırýstyń jańa tolqynynan Tıbet avtonomıalyq aýdanyn qospaǵanda, Qytaıdyń 31 ákimshilik-aýmaqtyq birliginiń 30-y (provınsıalar, avtonomıalyq aýdandar, ortalyqqa baǵynysty qalalar) zardap shekti.
Materıktik Qytaıda epıdemıalyq ahýal kúrdeli kúıinde qalyp otyr. Ótken táýlikte elde ınfeksıanyń 21 796 jaǵdaıy tirkeldi, onyń ishinde tek Shanhaıda – 21 058.