Chempıonatta Qazaqstan, Japonıa, Taıland, Ózbekstan jáne Iran elderiniń komandalary baq synaıdy
Búgin Semeı qalasynda voleıboldan áıelder arasynda klýbtyq Azıa chempıonaty bastalady, dep habarlaıdy Almaty-akshamy.kz.
SHQO Aqparat ortalyǵynyń málimetine súıensek, týrnırdiń uıymdastyrylýyna Qazaqstan Respýblıkasynyń Voleıbol federasıasy, oblystyq Dene shynyqtyrý jáne sport basqarmasy men «Altaı» voleıbol klýby muryndyq bolyp otyr.
«Saıys Qaraǵaıly shaǵyn aýdanyndaǵy «Arena» mádenı-sport kesheninde ótedi. Oǵan áıelder arasyndaǵy voleıboldan sary qurlyqtyń eń úzdik 6 komandasy qatyspaq. Chempıonat aıasynda Qazaqstan, Japonıa, Taıland, Ózbekstan jáne Iran elderiniń komandalary baq synaıdy. El namysyn shyǵysqazaqstandyq «Altaı» jáne Soltústik Qazaqstan oblysynyń «Qýanysh» klýbtary qorǵaıdy», - delingen málimette.
Chempıonat 1 mamyrǵa deıin sozylady. Kirý tegin. Alǵashqy oıyn Taıland pen Ózbekstan quramalary arasynda ótedi.